नेपाली भाषामै ट्वीट गर्दै मोदीले दिए सीता दाहाललाई श्रद्धाञ्जली

सीता दाहालको निधनमा भारतीय प्रधानमन्त्री नरेन्द्र मोदीले श्रद्धाञ्जली अर्पण गरेका छन् ।

बुधवार दिउँसो ट्वीट गर्दै मोदीले दिवंगत आत्माको चीर शान्तिका लागि कामना गरेका हुन् ।

नेपाली भाषामै लेखिएको ट्वीटमा मोदीले भनेका छन्– 'श्रीमती सीता दाहालको दुःखद् निधन भएको खबरले मर्माहत भएको छु ।  @cmprachanda प्रति हार्दिक समवेदना प्रकट गर्दै दिवंगत आत्मालाई चिरशान्ति मिलोस् भनी प्रार्थना गर्दछु । ॐ शान्ति !'

श्रीमती सीता दाहालको दुःखद निधन भएको खबरले मर्माहत भएको छु । @cmprachanda प्रति हार्दिक समवेदना प्रकट गर्दै दिवंगत आत्मालाई चिरशान्ति मिलोस् भनी प्रार्थना गर्दछु ।

ॐ शान्ति।

— Narendra Modi (@narendramodi) July 12, 2023

पार्किन्सनजस्तो देखिने प्रोग्रेसिभ सुपरान्युक्लियर पाल्सी (पीएसपी) रोगबाट लामो समयदेखि पीडित दाहालको उपचारका क्रममा बुधवार नर्भिक अस्पतालमा निधन भएको हो ।

दाहालको आजै अन्त्येष्टि गरिँदैछ ।