भारतको सत्तारुढ दल भारतीय जनता पार्टी (भाजपा) चुनावी तयारीमा जुटेको छ ।

सत्तारुढ गठबन्धन एनडीएलाई बलियो बनाउँदै सत्तामा बर्चस्व कायमै राख्ने रणनीतिमा भाजपा छ ।

आगामी सन् २०२४ मा भारतमा लोकसभा चुनाव हुँदैछ । त्यसअघि भाजपाले विभिन्न साना दललाई गठबन्धनमा सामेल गराउने प्रयास थालेको छ ।

गठबन्धनका सन्दर्भमा भाजपा सरकारका गृहमन्त्री अमित शाह र लोक जनशक्ति पार्टी (एलजेपी) नेता चिराग पासवानबीच सोमवार भेटवार्ता भएको छ ।

नेता पासवानले ट्वीट गर्दै गठबन्धनका विषयमा भएको छलफल सकारात्मक रहेको जनाएका छन् । उनले हाजीपुर सिटबाट आफूले टिकट पाउनुपर्ने दाबी समेत पेश गरेका स्रोतले जनाएको छ ।

बिहारमा भाजपाका पूर्व मुख्यमन्त्री जीतनराम माझीको पार्टी हिन्दूस्तानी आवाम मोर्चा, पूर्व केन्द्रीय मन्त्री उपेन्द्र कुशवाहाको पार्टी राष्ट्रिय लोक जनता दल र एलजेपीलाई जोडेर गठबन्धन बलियो बनाउने रणनीतिमा भाजपा देखिएको छ ।

गठबन्धनको सन्दर्भमा छलफल गर्न मंगलवार एनडीएको बैठक बोलाइएको भारतीय सञ्चारमाध्यमले जनाएका छन् ।