काठमाडौंको त्रिभुवन विमानस्थल भन्सार कार्यालय बाहिरबाट बुधवार बरामद गरिएको सुन जोख्नको लागि राष्ट्र बैंक लगिएको छ । 

हिजो बरामद गरेर राजश्व अनुसन्धान विभागमा राखिएको सुन बिहीवार दिउँसो जोख्न राष्ट्र बैंकको टक्सार विभाग थापाथली लगिएको हो । सशस्त्र प्रहरीको कडा सुरक्षाबीच ८ वटा कार्टुन ललितपुरको हरिहरभवनबाट राष्ट्र बैंक लगिएको हो । 

८ वटा कार्टुनमा पोका पारेर सुन जोख्न पठाइएको राजश्व अनुसन्धान विभागका एक अधिकारीले लोकान्तरलाई जानकारी दिए । 

बरामद सुन ८० किलो देखि एक क्विन्टलसम्म रहेको अनुमान गरिएपनि तौल यकिन भएको छैन । बरामद सुन राखिएका कार्टुनमा मुचुल्का गरिएको छ ।