मंसिर ४, २०८०
कर्मचारीलाई तलब खुवाउन समेत नसक्ने अवस्थाबाट गुज्रेको नेपाल वायु सेवा निगम (एनएसी)ले आर्थिक अवस्था सुधारेर अन्तर्राष्ट्रिय उडानका लागि विमान खरिद गर्दा लिएको ऋणको किस्ता तिर्न शुरू गरेको छ । लामो समय घाटामा रहे...
काठमाडाैं | साउन १०, २०८०
नेपालमा अन्तर्राष्ट्रिय गैरसरकारी संस्था (आईएनजीओ)ले बर्सेनि अर्बौं रुपैयाँ खर्च गर्ने गरेका छन् । अर्थ मन्त्रालयले सार्वजनिक गरेको तथ्यांकअनुसार १६८ वटा आईएनजीओहरूले पछिल्लो एक वर्षमा मात्रै २४ अर्ब ३४ करोड रुपैयाँ खर्च गरेका छन् ।
समाजकल्याण परिषदबाट अनुमति लिएका र वार्षिक कार्ययोजना पेश गरेर काम गर्ने संस्थाबाट भएको खर्च गत आर्थिक वर्ष २०७९/०८० मा सवा २४ अर्ब देखिएको अर्थ मन्त्रालयका प्रवक्ता धनीराम शर्माले जानकारी दिए । उनका अनुसार यी संस्थाहरूले गर्ने खर्चको नियमित अनुगमन, मापदण्ड र स्वीकृतिअनुसार सञ्चालन गराउने काम परिषद्बाटै भइरहेको छ । नेपालमा आईएनजीओहरूले गरेको खर्चको प्रभावकारिता र आवश्यकता अध्ययनको विषय भए पनि उनीहरूले गरेका कामले सकारात्मक नतिजा दिइरहेको समाजकल्याण परिषदमार्फत् रिपोर्टिङ आउने गरेको शर्माले बताए ।
यसरी उनीहरूले सञ्चालन भइरहेका चालू योजनामा अर्ब रुपैयाँ खर्च गरिरहेका छन् । हाल नेपालमा काम गरिरहेका विदेशी संस्थाको कार्यक्रममा ९८ अर्ब ३९ करोड रुपैयाँ खर्च भइरहेको मन्त्रालयको तथ्यांक छ ।
गत आर्थिक वर्षबाट बालबालिकाको कल्याण क्षेत्रमा एउटै संस्थाबाट ७ अर्ब ९५ करोड रुपैयाँ खर्च भइरहेको छ । अमेरिकाको वर्ल्ड भिजन इन्टरनेसनलले हातेमालो कार्यक्रमअन्तर्गत ‘बालाबालिकाको कल्याण तथा एकीकृत विकास योजना’मा उक्त रकम खर्च गरिरहेको छ । वर्ल्ड भिजन इन्टरनेसनलले पाँच वर्षमा गर्ने यस्तो खर्च समाज कल्याणबाट स्वीकृति पाएका १६८ आईएनजीओमध्येकै सबैभन्दा धेरै हो ।
नेपालमा दोस्रो ठूलो रकम पाँच वर्षमा बेलायती संस्था सेभ द चिल्ड्रेन इन्टरनेसनलले खर्च गरिरहेको छ । यो संस्थाले यही वर्ष अर्थात् सन् २०२३ सम्मको लागि गरिरहेको यस्तो खर्च ७ अर्ब १८ करोड रुपैयाँ रहेको छ । यो संस्थाले हाल २२ जिल्लामा काम गरिरहेको छ भने यसको वार्षिक खर्च १ अर्ब ४३ करोड रुपैयाँ छ ।
नेपालमा काम गरिरहेका आईएनजीओहरूमध्ये १ अर्ब रुपैयाँभन्दा बढी खर्च गरिरहेका १९ वटा संस्था छन् । यी संस्थाहरूले १ अर्बदेखि करीब ८ अर्बसम्म खर्च गरिरहेको तथ्यांकले देखाएको छ ।
नेपालमा हाल विभिन्न कार्यक्रम सञ्चालन गरिरहेका आईएनजीओहरूले गर्ने खर्च सम्बन्धित स्थानीय तहसँगको समन्वयमा मात्रै गर्नुपर्ने हुन्छ । समाज कल्याण परिषद्का प्रवक्ता सञ्जयकुमार मल्लिकका अनुसार स्वीकृति नलिएर कुनै पनि संस्थाले खर्च गर्ने पाउँदैनन् । कुनै संस्थाले खर्च गरिसकेको भए पनि त्यसले खर्च प्रमाणीकरण गर्न परिषद्मै आउनुपर्ने हुन्छ । अनुमति नलिने संस्थाको हकमा परिषद्ले आवश्यक कारवाही गर्न सक्ने पनि मल्लिकले बताए ।
उनका अनुसार आईएनजीओले खर्च गर्न परिषद्बाट स्वीकृति लिनुपर्छ भने सम्बन्धित पालिकामा काम गर्न सोही निकायबाट पनि अप्रुभल लिनुपर्ने व्यवस्था छ । समाज कल्याणले भने सम्बन्धित पालिकामा खर्च भएको आईएनजीओको रकम पनि सोही पालिकाले बजेटमा राख्नुपर्ने प्रस्ताव अगाडि सारेको छ । स्थानीय तहले आफ्नो बजेट बाहिरको रकम आफ्नै पालिकामा खर्च हुने गरेको भए पनि त्यसको सबै विवरण अनुसूचीसम्म पनि नराखेको उनले बताए ।
१४३ प्रोजेक्टले अनुमतिविनै खर्चिए ४६ करोड
नेपालमा गत आर्थिक वर्ष २०७८/०७९ मा मात्रै १४३ वटा प्रोजेक्टले अनुमतिविनै ४६ करोड रुपैयाँ खर्च गरेको भेटिएको छ । नेपालमा खर्च गरेका, स्थानीय तहसँग समन्वय गरेको देखिए पनि समाज कल्याणबाट अनुमति नलिएका कारण ती संस्थाहरूको खर्च अनुमोदन गर्न भने परिषद्मै आउनुपर्ने छ । अनुमति नलिएका संस्थाहरूको खर्च अनुमोदन नभएका कारण परिषद्मा आइपुगेका र उनीहरूको खर्चको प्रमाणीकरण गर्ने काम भइरहेको मल्लिकले बताए ।
अनुमति नलिएका यस्ता संस्थाहरू कतिपय थाहा नपाएर खर्च गरिरहेका हुन्छन् भने कतिपयले खर्च गर्दै अनुमति लिने प्रक्रिया गर्नेभन्दा ढिलो भएको पाइएको परिषद्ले जनाएको छ ।
परिषद्का अनुसार नेपालमा आएर काम गरिरहेका विदेशी संस्थाहरूको कामको नियमित अनुगमन भइरहेको हुन्छ । जुन काम बढी प्रभावकारी छ, त्यसले पटक पटक काम गरिरहेको पनि मल्लिकले बताए । कामको प्रभावकारिताको विषयमा सम्बन्धित स्थानीय तहसँगको समन्वयले पनि देखाइरहेको परिषद्ले जनाएको छ । स्थानीय तहसँग समन्वय भएकै कारण दातासँगको कार्यक्रममा दोहोरोपना नपर्ने दाबी मल्लिकको छ ।
कर्मचारीलाई तलब खुवाउन समेत नसक्ने अवस्थाबाट गुज्रेको नेपाल वायु सेवा निगम (एनएसी)ले आर्थिक अवस्था सुधारेर अन्तर्राष्ट्रिय उडानका लागि विमान खरिद गर्दा लिएको ऋणको किस्ता तिर्न शुरू गरेको छ । लामो समय घाटामा रहे...
काभ्रेपलाञ्चोकको पाँचखाल नगरपालिकाका प्रमुख महेश खरेलले झन्डै १ अर्बको प्रोजेक्टमा नेपाल महिला उद्यमी महासंघसँगको पूर्वसम्झौता उल्लंघन गर्दै आफ्नी जेठीसासू अध्यक्ष रहेको संस्थासँग सम्झौता गरेको पाइएको छ । महिला ...
विज्ञ समूहले दिएको सुझावसहितको प्रतिवेदन सम्बन्धमा मन्त्रिपरिषद्ले निर्णय गर्न ढिला गर्दा निजगढ विमानस्थल निर्माणको काम प्रभावित भएको छ । निजगढमा विमानस्थल बनाउन उपयुक्त रहेको भनेर विज्ञ समूहले प्रतिवेदन दिएको ए...
एक वर्षको बीचमा भएको १३८ किलो सुन तस्करीका नाइके जीवनकुमार गुरुङ हाल अर्थ मन्त्रालय मातहत रहेको भन्सार विभागको हिरासतमा छन् । लामो समय फरार रहेका गुरुङलाई यही फागुन १४ गते काठमाडौंको सामाखुशी क्षेत्रबाट ...
नेपाल राष्ट्र बैंकले मंगलबारका लागि तोकेको विदेशी मुद्राको विनिमयदर अनुसार अमेरिकी डलर एकको खरिददर १३३ रुपैयाँ ०४ पैसा र बिक्रीदर १३३ रुपैयाँ ६४ पैसा रहेको छ । यसैगरी युरो एकको खरिददर १४२ रुपैयाँ १६ पै...
राष्ट्रिय स्वतन्त्र पार्टीका सभापति रवि लामिछाने र सोही पार्टीका नेता समेत रहेका पूर्व बैंकर अनिल केशरी शाहले 'चेक क्लियरिङ'का सम्बन्धमा गरेको दाबीमा गम्भीर प्रश्न उठेको छ । सहकारी ठगी प्रकरणमा प्रस्टीकर...
२०६२ सालपछिको कुरा हो, अख्तियार दुरूपयोग अनुसन्धान आयोगका एकजना उपसचिव र एकजना शाखा अधिकृत कम्पनी रजिष्ट्रारको कार्यालयमा सरुवा भएर गए । यति मात्र होइन, राष्ट्रिय सतर्कता केन्द्रका एक उपसचिव पनि सोही कार्यालयमा...
धेरै पहिलेको कुरा हो एक जना सज्जनका दुई भाइ छोरा थिए । उनीहरूबीच निकै मिल्ती थियो । एकपटक भगवान्ले आएर वरदान माग भनेकाले उनीहरूले अमरताको वर मागेका थिए । उनीहरूको कुरा सुनेर भगवान्ले भने– ‘...
ललितपुरको गोदावरीस्थित सनराइज हलमा नेकपा (एमाले)का दुई महत्वपूर्ण कार्यक्रम भए । एमालेको प्रथम विधान महाधिवेशन (२०७८ असोज १५ र १६ गते) सनराइज हलमै भएको थियो । विधान महाधिवेशनले विभाजनदेखि चौतर्फी घेराबन्दी...