पूर्व प्रधानमन्त्री तथा नेकपा एकीकृत समाजवादीका अध्यक्ष माधवकुमार नेपाल स्वीट्जरल्याण्ड प्रस्थान गरेका छन् ।

ललितानिवास जग्गा प्रकरणमा मन्त्रिपरिषद् बैठकका निर्णयकर्तामाथि पनि छानबिन गर्न सर्वाेच्च अदालतले फैसला सुनाएको भोलिपल्ट सोमवार बिहान अध्यक्ष नेपाल विदेश प्रस्थान गरेका हुन् ।

प्रवासी नेपाली एकता मञ्च युरोपद्वारा स्वीट्जरल्याण्ड लगायतका विभिन्न देशहरूमा आयोजना हुने पूर्व निर्धारित विभिन्न कार्यक्रममा सहभागी हुन टर्किस एअरको विमानद्वारा सोमवार बिहान ७ः३० बजे इस्तानवुल हुँदै जेनेभा प्रस्थान गरेका निजी सचिवालयले जनाएको छ ।

आइतवार सर्वोच्च अदालतबाट भएको फैसलाका सन्दर्भमा अध्यक्ष नेपाल जानकार रहेका सचिवालयले जनाएको छ । सचिवालयले भनेको छ, ‘सबै प्रकारका भ्रष्ट्राचार एवम् अनियमितताको निष्पक्ष छानबिन गरी दोषीउपर कडा कारबाही हुनुपर्छ र मुलुकमा सुशासन कायम गर्नुपर्छ भन्ने कुरामा उहाँको दृढ मान्यता रहेको छ ।’

अध्यक्ष नेपाल भदौ १ गते स्वदेश फर्किने कार्यक्रम रहेको छ ।