भारतीय स्वतन्त्रता दिवसको अवसरमा आएको अमेरिकी सांसदहरूको टोलीले भारतको प्रमुख प्रतिपक्षी दल भारतीय कांग्रेसका नेता राहुल गान्धीसँग निजी भेटवार्ता गर्ने इच्छा राखेको छ ।

भारतीय कांग्रेसका वरिष्ठ अधिकारी प्रवीण चक्रवर्तीले गान्धीसँग भेटघाटका लागि अमेरिकी सांसदबाट अनुरोध भएको जानकारी दिए । 

भारतीय प्रावधानअनुसार विदेशीसँग भेटघाट गर्न विदेश मन्त्रालयले अनुमति दिनुपर्छ । अमेरिकी टोलीलाई नेता राहुलसँग भेट्न प्रधानमन्त्री नरेन्द्र मोदी नेतृत्वको सरकारले अनुमति दिन्छ कि दिँदैन ? हेर्न बाँकी छ ।

अमेरिकी सांसदहरू प्रधानमन्त्री मोदीको निमन्त्रणामा आएका अतिथि भएकाले अतिथिको इच्छा पूरा गराउनु सरकारकै कर्तव्य हुने कांग्रेसको जिकिर छ । गान्धीले भेटघाटका लागि समय मिलाइसकेका छन् तर सरकारबाट अनुमतिको प्रक्रिया बाँकी छ ।

भारतमा मोदी सरकार र भारतीय कांग्रेसबीच सुमधुर सम्बन्ध छैन । सरकार र प्रतिपक्षको सम्बन्ध संघर्षपूर्ण रहँदै आएको छ ।