कांग्रेस सहमहामन्त्री यादवको टाउकोमा १० टाँका लगाइयो, २४ घण्टा आईसीयूमा राख्नुपर्ने

खुकुरी प्रहारबाट घाइते भएका कांग्रेस सहमहामन्त्री महेन्द्र यादवको टाउकोमा १० वटा टाँका लगाइएको छ ।

उनको टाउकोको पछाडीपट्टीको भागमा काटिएकाले १० वटा टाँका लगाइएको उपचारमा संग्लग्न डाक्टर प्रमोद यादवले लोकान्तरलाई जानकारी दिए ।

उनका अनुसार १० टाँकामध्ये ६ वटा बाहिर र ४ वटा भित्र लगाइएको छ । 

सहमहामन्त्री यादवको ओटी सेन्टरमा सीटी स्क्यान गरिएको थियो । 

सहमहामन्त्री यादवको उपचारमा अहिले डा प्रमोदसँगै डा बद्री रिजाल र डा नरेन्द्र सालिके खटिरहेका छन् । 

घाइते यादवलाई २४ घण्टा आईसीयूमा राख्नुपर्ने डा प्रमोदले बताए ।

सहमहामन्त्री यादवमाथि बुधवार काठमाडौंमा खुकुरी प्रहार भएको थियो । दिउँसो रिपोटर्स क्लबको कार्यक्रममा सहभागी भएर फर्किने क्रममा यादवमाथि भृकुटीमण्डपमा खुकुरी प्रहार भएको हो । टाउकोमा चोट लागेका यादवको ट्रमा सेन्टरमा उपचार भइरहेको छ । उनको अवस्था खतरामुक्त रहेको अस्पताल स्रोतले जानकारी दिएको छ । 

नुवाकोट विदुर नगरपालिको ४७ वर्षका सापकोटाले खुकुरी हानेको काठमाडौं प्रहरी परिसरका प्रवक्ता एसपी कुमुद ढुंगेलले लोकान्तरलाई जानकारी दिए । 

यादवलाइ खुकुरी प्रहार गर्ने श्याम सापकोटा पक्राउ परिसकेका छन् । 

पक्राउ परेका सापकोटाले आफूलाई राजावादी भएको बताएका छन् ।

विदुर नगरपालिका ४७ वर्षको श्याम सापकोटाले खु्कुरी हानेको । काठमाडौं प्रहरी परिसरका प्रवक्ता एसपी कुमुद ढुंगेलले जानकारी दिए । पक्राउ परेका सापकोटाले आफूलाई राजावादी भएको बताएका छन् ।