बाँकेमा रोकिराखेको ट्रकसँग ठोक्कियो बस, सात जनाको मृत्यु

बाँकेमा बस दुर्घटना हुँदा सात जनाको मृत्यु भएको छ । पूर्व-पश्चिम राजमार्गअन्तर्गत बाँकेको शमसेरगन्जमा गएराति भएको यात्रुवाहक बस दुर्घटनामा सात जनाको ज्यान गएको प्रहरीले जनाएको छ । 

दुर्घटनामा ज्यान गुमाउनेहरूको सनाखत हुन बाँकी रहेको जिल्ला प्रहरी कार्यालय बाँकेका प्रहरी प्रवक्ता प्रहरी नायव उपरीक्षक (डीएसपी) नारायण डाँगीले बताए । 

उनका अनुसार दाङबाट बर्दियातर्फ जाँदै गरेको ना ७ ख २३२१ नम्बरको बसले सडकमा रोकिराखेको ना ८ ख ६४०५ नम्बरको ट्रकलाई ठक्कर दिएको थियो।

दुर्घटनामा ३० जना घाइते भएको डाँगीले जानकारी दिए । उनका अनुसार घाइतेहरूको कोहलपुर मेडिकल कलेजमा उपचार भइरहेको छ । 

घटनाबारे थप अनुसन्धान भइरहेको उनले बताए ।