पछिल्लो केही दिनयता ‘कट्टा हान्दिन्छु’ बोलको गीत चर्चामा छ । खेम सेञ्चुरी र एलिना चौहानको स्वरमा सार्वजनिक गीतले भ्युज पनि राम्रो पाएको छ ।

एकातर्फ गायिका एलिनाको ब्रेकअपको खबर सार्वजनिक हुनु, अर्कोतर्फ यो गीत सार्वजनिक हुनुले पनि ‘कट्टा हान्दिन्छु’लाई चर्चामा ल्याएको अनुमान गरिएको छ ।

यतिबेला एलिना पुगेका अधिकांश मेला–महोत्सवमा यो गीतमा डिमाण्ड हुने गरेको छ । 

यो गीतको चर्चा सेलाउन नपाउँदै ‘कट्टा हान्दिन्छु’बोलको अर्को गीत युट्युबमा सार्वजनिक गरिएको छ ।

बिहीवार राजधानीमा एक कार्यक्रमकाबीच सार्वजनिक गीतमा विश्वराम कार्कीको स्वर छ ।

कार्की जी र मेगेन्द्र सुवेदीले यसका शब्द लेखेका हुन् । कार्कीजीको संगीत रहेको गीतलाई जीवन बडुले एरेन्ज गरेका हुन् । 

भिडियोमा द्धन्द्ध निर्देशक एवं अभिनेता राजेन्द्र खड्गी र अभिनेता जयकिशन बस्नेतलगायतका कलाकार प्रस्तुत छन् । 

विक्रम चौहानको निर्देशनमा फिल्मी शैलीमा तयार भिडियोलाई दीपक गिरीले छायांकन, मिलन विश्वकर्माले सम्पादन गरेका हुन् ।