आईसीसी क्रिकेट विश्वकप लिग-२ अन्तर्गतको सिरिजको पहिलो खेलमा नामिबियाविरुद्ध नेपालले लगातारजस्तो दुई विकेट गुमाएको छ ।  टीयू क्रिकेट मैदानमा बिहीबार बिहान टस हारेर ब्याटिङ थालेको नेपालका ओपनर कुशल भुर्तेल र अर्का ब्याटर अनिल शाह आउट भएका हुन् । 

कुशल पहिलो बलमै आउट भएका थिए । उनलाई क्यानडाका रुबेन ट्रमप्लम्यानले क्याच आउट गराए । अनिल ८ रन बनाएर आउट भए । 

तीन ओभरको खेल चलिरहँदा नेपाल दुई विकेट गुमाएर १२ बनाएर खेलिरहेको छ । 

यसअघि नामिबियाले टस जितेर फिल्डिङ रोजेपछि नेपालले ब्याटिङको निम्तो पाएको थियो । 

हालै घरेलु मैदानमा सम्पन्न क्यानडाविरुद्धको एकदिवसीय अन्तर्राष्ट्रिय शृङ्खला ३–० ले ‘क्लिन स्विप’ गरेपछि उत्साही नेपाली टोलीले लिग–२ को पहिलो खेलमा विजयी शुरूआत गर्ने लक्ष्यमा छ । नेपाली क्रिकेट टोलीका कप्तान रोहितकुमार पौडेलले लिग–२ मा सुखद् शुरूवात गर्ने लक्ष्य रहेको बताएका छन् ।