जर्मन क्लब बायर्न म्युनिख र फ्रेञ्च क्लब पिएसजी युरोपियन च्याम्पियन्स लिगको क्वार्टरफाइनलमा पुगेका छन् । मंगलबार राति लाजियोलाई ३-० गोलले हराउँदै बार्यन अन्तिम आठमा पुगेको हो । 

बार्यनका लागि ह्यारी केनले ३८ र ६६ मिनेटमा गरी दुई गोल गरे । मुलरले पहिलो हाफको इन्जुरी टाइममा एक गोल गरेका थिए।

यस्तै, पीएसजीले स्पेनिस क्लब रियल सोसिडडालाई समग्रमा ४-१ गोलले पछि पारेर अन्तिम आठमा स्थान सुरक्षित गरेको छ । 

पहिलो लेगमा २-० गोलले विजयी भएको पीएसजीले मंगलबार २-१ गोलको जीत निकाल्दै अन्तिम आठमा स्थान सुरक्षित गरेको हो । 

मंगलबार दुवै गोल केलिएन एमबाप्पेले गरे। उनले खेलको १५ र ५६ मिनेटमा गरी दुई गोल गरेका हुन् ।