नवनियुक्त अर्थमन्त्री वर्षमान पुनले पदभार ग्रहण गरेका छन् । राष्ट्रपति भवन शीतल निवासमा आयोजित शपथपछि उनले बुधबार राति अर्थ मन्त्रालयमा पुगेर पदभार ग्रहण गरेका हुन् ।

उनलाई अर्थ मन्त्रालयमा सचिवसहितका कर्मचारीहरुले स्वागत गरेका थिए । 

पदभार ग्रहण गर्दै पुनले सबै क्षेत्रको मनोबल बढाउने गरी आर्थिक क्षेत्रको सुधार गर्न सकारात्मक पहल गर्ने बताए । 

यसैगरी उनले सबै उद्योगी व्यवसायीलाई साथमा लिएर अर्थतन्त्र सुधार गर्न लागिपर्ने पनि प्रतिबद्धता जनाए ।