नवनियुक्त अर्थमन्त्री वर्षमान पुनले देशको अर्थतन्त्रमा संकट नआएको चलायमान मात्र कम भएको बताएका छन् ।

बुधवार साँझ सिंहदरबारस्थित अर्थ मन्त्रालयमा कार्यभार सम्हाल्दै उनले यस्तो बताएका हुन् । 

अर्थमन्त्री पुनले अर्थतन्त्रमा देखिएका समस्या हल गरेर आम जनसमुदायलाई आशा जगाउन आफूले सक्दो प्रयास गर्ने बताएका छन् ।

‘यसअघि म अर्थमन्त्री हुँदा पनि समस्या थिए । हामीले प्रयत्न गरेर विश्वव्यापी मन्दीको असर कम गर्योँ,’ उनले भने, ‘यो पटक पनि आम जनसमुदायलाई आशा जगाउन सक्छौँ ।’

२०६८ सालमा डा बाबुराम भट्टराई सरकारमा पुन १८ महिना अर्थमन्त्री बनेका थिए । अर्थमन्त्री बने पनि उनले बजेट ल्याउन पाएका थिएनन् ।

यो उनको अर्थमन्त्रीका रुपमा दोस्रो कार्यकाल हो । 

१८ महिना मन्त्री बन्दा पनि बजेट ल्याउन नपाएका वर्षमानलाई अर्थमा दोस्रो अवसर