कात्तिक १८, २०८०
जाजरकोट केन्द्रबिन्दु भएर गएको शक्तिशाली भूकम्पमा परी कम्तिमा ११९ जनाको मृत्यु भएको छ । जाजरकोट र रुकुम पश्चिमका विभिन्न स्थानमा भूकम्पमा परेर उक्त मानवीय क्षति भएको हो । जिल्ला प्रहरी कार्यालय जाजरकोटका ...
विराटनगर | फागुन २९, २०८०
काठ चोरीको आरोपमा सुनसरीको एक सामुदायिक वन उपभोक्ता समितिका अध्यक्ष पक्राउ परेका छन् । जिल्लाको इटहरी उपहानगरपालिकास्थित ब्रह्मपुर सामुदायिक वनका अध्यक्ष मनोज तामाङ काठ चोरीको आरोपमा पक्राउ परेका हुन् । उनीमाथि छिमेकी हासपोसा सामुदायिक वन उपभोक्ता समूहको काठ चोरेको आरोप छ ।
हासपोस सामुदायिक वनबाट हराएको काठ ब्रह्मपुर सामुदायिक वनमा भेटिएपछि उनलाई नियन्त्रणमा लिइएको डिभिजन वन कार्यालय सुनसरीका निमित्त कार्यालय प्रमुख धर्मानन्द यादवले बताए । तामाङले काठ चोरी गरेको समेत स्वीकारेको यादवले जानकारी बताए । उनलाई वन ऐन २०७६ अनुसार मुद्दा चलाउने तयारी भइरहेको कार्यालयले जनाएको छ ।
सामुदायिक वन र वनरक्षक कृष्ण गेलालको टोलीले चोरिएको काठ जंगलमा फेला पारेको थियो । कार्यालयका अनुसार अध्यक्ष तामाङले काठ चोरी गर्न तीन सुराकीसमेत राख्ने गरेको अनुसन्धानबाट खुलेको छ । उनीहरू भने फरार छन् । ‘राष्ट्रिय तथा सामुदायिक वन क्षेत्रबाट काठ काटिएको छ । सामुदायिक वनका अध्यक्षहरू बदमास भएका छन् । पक्राउ परेका तामाङले पनि १० लाख खर्च गरेर चुनाव जितेको रे ! त्यही खर्च असुल्न अध्यक्ष आफैंले काठ चोरी गरेको खुलेको छ,’ यादवले भने ।
गत फागुन तेस्रो साता हासपोसा सामुदायिक वनबाट १२ फिट गोलाई भएको सालको सिंगै रुखको काठ चोरी भएको थियो । चोरी भएको काठको मूल्य १५ देखि २० लाख रुपैयाँ बराबर हो ।
डिभिजन वन कार्यालयले ढलेको रुख भने पनि स्थानीयले भने सामुदायिक वनमा रहेको सबैभन्दा पुरानो ठाडो रुख चोरी भएको दाबी गरेका छन् । ‘घाँसदाउरा जानेले जंगलकै पुरानो भनेर चिनिएको रुख नदेखेपछि स्थानीयले उपभोक्ता समितिलाई भनेका रहेछन्,’ एक स्थानीयले भने, ‘तर वनले ढलेको रुख भनेर मुद्दा कमजोर बनाउन खोज्दै छ ।’
तामाङ कांग्रेसका स्थानीय नेता हुन् । उनलाई छुटाउन मुद्दा कमजोर बनाउने प्रयास भइरहेको वनका कर्मचारी बताउँछन् । त्यसका लागि नेताहरूले दबाब दिने गरेको उनीहरूको भनाइ छ ।
काठ चोरी भएको विषयमा छानबिन गर्न डिभिजन वन कार्यालय सुनसरीले समिति बनाएको छ । सूचना अधिकारीसमेत रहेका डिभिजन वन कार्यालय सुनसरीका वन अधिकृत जीवनकुमार यादवको संयोजकत्वमा तीन सदस्यीय समिति बनाएको हो । समितिको सदस्यहरूमा अधिकृत जमानसिंह मोक्तान र अधिकृत चुडामणि गौतम छन् । ब्रह्मपुर सामुदायिक वनका उपाध्यक्ष टेकबहादुर बस्नेत, उपभोक्ता समिति सदस्य एवम् वन हेरालु आशिष तामाङ र पेम्बा तामाङविरुद्ध अदालतबाट पक्राउ पुर्जी जारी गरी खोजी भइरहेको डिभिजनका निमित्त प्रमुख यादवले बताए ।
काठ तस्करीमा वन कर्मचारीको पनि संलग्नता रहेको सामुदायिक वन समूहका पदाधिकारीहरूको आरोप छ । उनीहरूले वनकै कर्मचारीमाथि पनि छानबिन गर्न अख्तियार दुरुपयोग अनुसन्धान आयोगको प्रादेशिक कार्यालय इटहरीमा उजुरी दिएका छन् ।
जाजरकोट केन्द्रबिन्दु भएर गएको शक्तिशाली भूकम्पमा परी कम्तिमा ११९ जनाको मृत्यु भएको छ । जाजरकोट र रुकुम पश्चिमका विभिन्न स्थानमा भूकम्पमा परेर उक्त मानवीय क्षति भएको हो । जिल्ला प्रहरी कार्यालय जाजरकोटका ...
गएराति गएको भूकम्पले सबैभन्दा बढी जाजरकोटको नलगाड क्षेत्रमा क्षति गरेको छ । नलगाड नगरपालिकामा मात्रै तीन दर्जन बढीको ज्यान गएको जिल्ला प्रशासन कार्यालय जाजरकोटले जनाएको छ । अझै यकिन विवरण आउन बाँकी छ । ...
जाजरकोट भूकम्पमा ज्यान गुमाउनेमध्ये आधा बढी बालबालिका रहेका छन् । नेपाल प्रहरीले उपलब्ध गराएको तथ्याङ्क अनुसार कात्तिक १७ गते राति गएको भूकम्पबाट मृत्यु भएका १५३ मध्ये ७८ बालबालिका छन् । जाजरक...
दाङको तुलसीपुर उपमहानगरपालिका वडा नम्बर– १९ बिजौरीका २२ वर्षीय युवक प्रतीक पुनमाथि परिवारको ठूलो जिम्मेवारी थियो । दुवै मिर्गौला फेल भएर बाबा ताराप्रसाद पुनको एक वर्षअघि मृत्यु भएपछि लागेको ...
‘मोबाइल डिभाइस म्यानेजमेन्ट सिस्टम (एमडीएमएस)’ आज (सोमबार)देखि लागू हुने भएको छ । नेपाल दूरसञ्चार प्राधिकरणले पहिलो चरणमा प्रणालीमा दर्ता नभएका केही मोबाइलको नेटवर्क लक गरेर यो प्रणाली कार्यान्वयन...
जाजरकोटको रामीडाँडालाई केन्द्रबिन्दु बनाएर गएराति गएको ६.४ म्याग्निच्यूडको भूकम्पका कारण धनजनको ठूलो क्षति भएको छ । नेपाल प्रहरीले दिएको तथ्यांकअनुसार १२९ जनाको मृत्यु भइसकेको छ भने १४० जना घाइते छन् ।...
२०६२ सालपछिको कुरा हो, अख्तियार दुरूपयोग अनुसन्धान आयोगका एकजना उपसचिव र एकजना शाखा अधिकृत कम्पनी रजिष्ट्रारको कार्यालयमा सरुवा भएर गए । यति मात्र होइन, राष्ट्रिय सतर्कता केन्द्रका एक उपसचिव पनि सोही कार्यालयमा...
धेरै पहिलेको कुरा हो एक जना सज्जनका दुई भाइ छोरा थिए । उनीहरूबीच निकै मिल्ती थियो । एकपटक भगवान्ले आएर वरदान माग भनेकाले उनीहरूले अमरताको वर मागेका थिए । उनीहरूको कुरा सुनेर भगवान्ले भने– ‘...
ललितपुरको गोदावरीस्थित सनराइज हलमा नेकपा (एमाले)का दुई महत्वपूर्ण कार्यक्रम भए । एमालेको प्रथम विधान महाधिवेशन (२०७८ असोज १५ र १६ गते) सनराइज हलमै भएको थियो । विधान महाधिवेशनले विभाजनदेखि चौतर्फी घेराबन्दी...