फुलहमसँग टोटेनहमको लज्जास्पद हार

इंग्लिस प्रिमियर लिगमा टोटेनहम हटस्परले तुलनात्मक सानो टोली फुलहमसँग लज्जास्पद बेहोरेको छ । टोटेनहम शनिवार राति घरेलु टोली फुलहमसँग ३–० को गोल अन्तरले पराजित भएको हो । 

फुलहमको जीतमा रोड्रिगो मुनिजले दुई तथा सासा लुकिचले एक गोल गरे ।

घरेलु टोलीविरुद्ध टोटेनहमले बल पोसेसन राख्दै दबाब बढाएको थियो । तर फुलहमको बलियो रक्षापङ्ति तोड्न नसक्दा फराकिलो अन्तरले पराजित हुन पुग्यो । 

यस जीतले फुलहम २९ खेलबाट ३८ अंक जोडेर १२औं स्थानमा यथावत छ । पराजित टोटेनहम ५३ अंक जोडेर पाँचौं स्थानमा रहेको छ । पराजित भएसँगै उसले चौथो स्थानमा उक्लने मौका गुमाएको छ ।

प्रिमियर लिगकै अर्काे खेलमा बर्नलीले ब्रेन्टफर्डलाई २–१ ले पराजित गर्दा लुटोन र नटिङहम फरेस्टले १–१ गोलको बराबरी खेल्दै अंक बाँडे ।