काठमाडौंबाट रोल्पा जाँदै गरेका नेकपा माओवादी केन्द्रका उपाध्यक्ष कृष्णबहादुर महरालाई रुपन्देही प्रहरीले काठमाडौं फर्काइदिएको छ ।

काठमाडौं फर्काउने केन्द्रको आदेशपछि प्रहरीले महरालाई कपिलवस्तुको सीमाबाट फर्काएको हो । ‘पश्चिम जानको लागि भैरहवा हुँदै कपिलवस्तु पुग्नुभएको थियो । पश्चिम जान नदिनु भनेपछि कपिलवस्तुको सीमाबाट फर्काएका हौ’ सुरक्षा स्रोतले लोकान्तरसँग भन्यो ।

महरा अहिले भैरहवा विमानस्थलमा छन् ।

सुन तस्करी छानबिन आयोगले कारबाही सिफारिश गरेका महरालाई पक्राउ गर्न गृहमन्त्री रवि लामिछानेले आइतवार प्रहरी प्रमुखलाई निर्देशन दिएका थिए ।

उच्च अदालतका न्यायाधीश डिल्लीराज आचार्य संयोजकत्वको छानबिन आयोगले सुन तस्करीमा महराको संलग्नता देखिएको भन्दै कारबाही गर्न सिफारिश गरेको थियो ।