प्रधानमन्त्री पुष्पकमल दाहाल प्रचण्डले नेकपा (एमाले)सँग नयाँ गठबन्धन बनाएपछि नेपाली कांग्रेस प्रतिपक्षमा पुगेको छ । गठबन्धन टिकाएर आफू नै प्रधानमन्त्री बन्ने सभापति शेरबहादुर देउवाको योजना तत्कालका लागि तुहिएको छ । 

एमाले–माओवादी–रास्वपा गठबन्धनको भविष्य धेरै लामो नजाने कांग्रेसको विश्लेषण छ । कुनैपनि दलको बहुमत नभएकोले प्रतिनिधिसभाको यही कार्यकालमै कांग्रेसले फेरि सरकारको नेतृत्व लिने अवस्था आउन सक्ने कतिपय नेताहरूको विश्लेषण छ । 

नेविसंघका पूर्वअध्यक्षसमेत रहेका कांग्रेस युवा नेता गुरुराज घिमिरे आफ्नो दलले सरकारको नेतृत्व लिने अवसर आउँदा अब नयाँ अनुहार अगाडि सार्नुपर्ने बताउँछन् । प्रधानमन्त्रीमा इतर पक्षका नेता डा शेखर कोइराला र महामन्त्री गगन थापाप्रति पनि सहमति जुट्न सक्ने उनले संकेत गरे ।

२०५२ सालमा गिरिजाप्रसाद कोइराला र कृष्णप्रसाद भट्टराईले शेरबहादुर देउवालाई प्रधानमन्त्री बनाएको स्मरण गर्दै घिमिरेले अब देउवाले नयाँ उम्मेदवार अगाडि सार्दा कांग्रेसभित्रको विवाद समाधान हुने बताए ।

लोकान्तर डट्कमसँगको भिडियो अन्तर्वार्तामा घिमिरेले सरकारको नेतृत्वको अवसर आउँदा देउवाबाहेकमा सहमति जुट्ने दाबी गरे । 

नयाँ राजनीतिक दल र स्वतन्त्रको जगजगी चलिरहेको समयमा कांग्रेस एक्लै चुनावमा जान जोख्नुको कारण के हो ? आगामी चुनावमा जनताको विश्वास जित्न कांग्रेसले के गर्न सक्छ ? 

यी प्रश्नबारे गुरु घिमिरेको जवाफ हेर्नुहोस् भिडियोमाः