बुटवलस्थित सुप्रिम बचत तथा ऋण सहकारी ठगी प्रकरणमा पक्राउ परेका  ६ जनालाई रुपन्देही जिल्ला अदालतले धरौटीमा छाड्न आदेश दिएको छ ।

जिल्ला अदालतका वैतनिक वकिल कृष्णप्रसाद ढकालले दीपेश पुनसहित ६ जनालाई धरौटीमा छाड्न आदेश भएको जानकारी दिए ।

दीपेश पुन पूर्वउपराष्ट्रपति नन्दबहादुर पुनका छोरा हुन् ।

रुपन्देही जिल्ला अदालतका न्यायाधीश डा दीपक उप्रेतीको इजलासले पुनलाई ४ लाख धरौटीमा छाड्न आदेश दिएको हो ।

सहकारीका अध्यक्ष ओमप्रकाश गुरुङलाई भने अदालतले पुर्पक्षका लागि थुनामा पठाएको छ ।​

सहकारी ठगी प्रकरणमा उनीसहित २८ जनाविरुद्ध मुद्दा दायर भएको थियो ।