इन्डियन प्रिमियर लिग (आइपीएल) क्रिकेटमा लखनउ सुपर जाइन्टले चेन्नई सुपर किंग्सलाई  हराएको छ । गएराति सम्पन्न खेलमा लखनउले चेन्नईलाई ८ विकेटले हराएको हो । 

चेन्नईले दिएको १७७ रनको विजयी लक्ष्य लखनउले १९ ओभरमा २ विकेटको क्षतिमा पूरा गर्‍यो । लखनउलाई जीत दिलाउने क्रमा कप्तान केएल राहुल र क्विन्टन डी ककले शर्धशतक बनाए ।

डी कक र केएल राहुले पहिलो विकेटका लागि १‍३४ रनको महत्वपूर्ण साझेदारी गर्दै जितको आधार तयार पारेका थिए । केएल राहुलले ५३ बलमा ८२ रनको योगदान गरे । डी ककले ४३ बलमा ५४ रन जोडे । निकोलस पुरन २३ र मार्कुस स्टोनिसले ८ रनमा नटआउट रहे । चेन्नईका मुस्ताफिजुर रहमान र मथिसा पथिरानाले समान १ विकेट लिए ।

टस हारेर पहिले ब्याटिङका लागि आमन्त्रण पाएको चेन्नईले २० ओभरमा ६ विकेट गुमाएर १७६ रन बनाएको थियो । महेन्द्रसिंह धोनीले फेरि सनसनीपूर्ण ब्याटिङ गरे । ९ बल खेलेका धोनीले २ छक्का र ३ चौकाको मद्दतमा नटआउट २८ रन जोडे ।

रविन्द्र जडेजाले ५७ रन बनाए । ४० बल खेलेका उनले ५ चौका र १ छक्का प्रहार गरे । अजिन्के रहानेले ३७, मोइन अलीले ३० र रितुराज गायकवाडले १७ रन बनाए । 

लखनउका कुर्नाल पाड्याले २, मोसिन खान, यश ठाकुर, रवि विश्नोइ र मार्कुस स्टोइन्सले समान १ विकेट लिए ।