पूर्व उपप्रधान मन्त्री एवं निलम्बित सांसद टोपबहादुर रायमाझीलाई रिहा गर्न सर्वोच्च अदालतले अस्वीकार गरेको छ ।

न्यायाधीशद्वय कुमार रेग्मी र टेकप्रसाद ढुंगानाको संयुक्त इजलासले बिहीवार रायमाझी लगायत ७ जनाको सवालमा उच्च अदालत पाटनको आदेश सदर गर्दै कानूनबमोजिम गर्न आदेश गरेको हो ।

नेपालीलाई नक्कली भुटानी शरणार्थी बनाएर अमेरिका लाने ठगी प्रकरणमा रायमाझी २०८० वैशाख ३१ गते काठमाडौंको बूढानीलकण्ठस्थित पासिकोटबाट पक्राउ परेका थिए । 

जिल्ला अदालत काठमाडौंले २०८० असार १ गते  पूर्वममन्त्री बालकृष्ण खाँण र टोपबहादुर रायमाझी, सचिव टेकनारायण पाण्डेसहितका १६ जनालाई पुर्पक्षका लागि थुनामा राख्न आदेश दिएको थियो । 

सात महिना जेल बसेपछि खाँण पाटन उच्च अदालतको आदेशमा गत मंसिर २९ गते ३० लाख धरौटीमा थुनामुक्त भइसकेका छन् ।