इंग्लिश प्रिमियर लिगअन्तर्गत लिभरपुल विजयी भएको छ । आइतवार साँझ भएको खेलमा लिभरपुलले टोटेनहम हटस्परलाई ४-२ ले पराजित गरेको हो ।  

खेलको १६औं मिनेटमा मोहम्मद सालाहले गोल गर्दै लिभरपुललाई अग्रता दिलाएका थिए । ५० औं मिनेटमा गाक्पोले लिभरपुलका लागि तेस्रो गोल गरे । ५९ औं मिनेटमा इलियटको गोल गरे । 

७२औ मिनेटमा ब्रेनन जोनसनको क्रसमा गोल गर्दै रिचार्लिसनले एक गोल फर्काए । ७७औ मिनेटमा स्पर्सका कप्तान सन ह्युङ-मिनले दोस्रो गोल गरे ।

जितपछि लिभरपुल ३६ खेलमा ८१ अंकसहित तालिकाको तेस्रो स्थानमा यथावत छ । टोटेनहम भने ३५ खेलमा ६९ अंक बटुलेर पाचौँ स्थानमा छ ।  

यस्तै लिगकै अर्को खेलमा चेल्सीले वेस्ट ह्याम युनाइटेडविरुद्ध शानदार जित हासिल गरेको हो । चेल्सी ५–० गोलले विजयी बनेको हो ।

खेलको १५ मिनेटमा नै कोल पाल्मरको गोलको मद्दतले चेल्सीले अग्रता लिएको थियो । ३० औँ मिनेटमा कोनर गालागरले दोस्रो गोल गरे भने ६ मिनेटपछि नै नोनी माडुकेले अर्को गोल गरे । दोस्रो हाफमा निकोलस ज्याक्सनले दुई गोल गर्दै टोलीलाई सहज जित दिलाए ।