सिरोहियालाई थप ३ दिन हिरासतमा राख्न अदालतको अनुमति

धनुषा जिल्ला अदालतले कान्तिपुर मिडिया ग्रुपका अध्यक्ष कैलाश सिरोहियालाई थप तीन दिन हिरासतमा राखेर अनुसन्धान गर्न अनुमति दिएको छ ।

अदालतका न्यायाधीश यदुराज शर्माको एकल इजलासले ​जमानतमा रिहा गर्न अस्वीकार गर्दै​ सिरोहियालाई थप ३ दिन हिरासतमा राखेर अनुसन्धान गर्न अनुमति दिएको सूचना अधिकारी डम्बरप्रसाद घिमिरेले जानकारी दिए ।

धनुषा जिल्ला अदालतले आज तेस्रोपटक म्याद थप गरेको हो ।

यसअघि २ पटक ३/३ दिनकै म्याद थप भएको थियो ।​​

सिरोहियाको र अर्का एक व्यक्तिको नागरिकता नम्बर एउटै रहेको उल्लेख गर्दै जाहेरी परेपछि धनुषा प्रहरीले उनीविरूद्ध पक्राउ पुर्जी जारी गरेर नियन्त्रणमा लिएको थियो ।