कृष्ण जन्माष्टमीको अवसरमा आज विराटनगरमा रथयात्रा निकालिएको छ । हरेक वर्ष कृष्ण जन्मास्टमीको भोलिपल्ट राधाकृष्ण रथयात्रा निकाल्ने गरिएको छ ।

विराटनगर महानगरपालिका वडा नम्बर १ को राधाकृष्ण मन्दिरबाट निकालिएको यो रथयात्रा एसियाको जगन्नाथ पुरीपछि दोस्रो ठूलो मानिन्छ ।

रथ यात्रामा नेपाल र भारतका झन्डै ५ लाख भक्तजन सहभागी हुने अपेक्षा आयोजकको छ ।​ 

रथयात्रा विराटनगर बजारका ४४ स्थानमा विश्राम गर्दै करिब ९ किलोमिटर दूरी तय गरेर मन्दिरमै आई समापन हुनेछ ।

रथयात्रा तीनपैनी, मेनरोड, ट्राफिक चोक, महेन्द्र चोक, रोड शेष चोक हुँदै बरगाछी भएर पुन: मन्दिरमा पुगेर सम्पन्न हुने रथयात्रा व्यवस्थापन समितिका अध्यक्ष कैलाश रेग्मीले जानकारी दिए ।

तस्वीरहरू: