०३ साउन २०८३, आइतबार
अमेरिकी राहदानी (पासपोर्ट) पहिलोपटक विश्वको सबैभन्दा शक्तिशाली को शीर्ष १० सूचीबाट बाहिरिएको छ । हेन्ली पासपोर्ट इन्डेक्स २०२५ अनुसार, यो २० वर्षमा पहिलोपटक भएको हो ।
अमेरिकी राहदानी अब १२ औं स्थानमा छ । यसले २२७ देशहरूमध्ये १८० लाई भिसा-मुक्त प्रवेश अनुमति दिन्छ ।
धेरै देशहरूले अमेरिकीहरूका लागि भिसा नियमहरू कडा पारेका छन् । ब्राजिलले अप्रिलमा भिसा-मुक्त प्रवेश समाप्त गरेको छ । चीनले अमेरिकालाई आफ्नो भिसा-मुक्त कार्यक्रमबाट बहिष्कृत गरेको छ । पपुवा न्यु गिनी, म्यानमार, भारत, सोमालिया र भियतनाममा नयाँ नियमहरूले पनि अमेरिकी राहदानीको शक्तिलाई असर गरेको छ।
अर्कोतर्फ, सिंगापुरको राहदानी सबैभन्दा शक्तिशाली छ, जसले १९३ देशहरूलाई भिसा-मुक्त प्रवेश प्रदान गर्दछ, त्यसपछि दक्षिण कोरिया (१९०) र जापान (१८९) छन् ।
भारतीय राहदानी ७७ औं स्थानमा छ । ब्रिटिश राहदानी पनि छैटौंबाट आठौंमा झरेको छ । चीनको राहदानी अहिले ६४ औं स्थानमा पुगेको छ । यसले ३७ नयाँ देशहरूमा भिसा-मुक्त प्रवेश प्राप्त गरेको छ ।
सूचकांक अनुसार, नेपाली राहदानी १०१ औँ स्थानमा छ । जसले ३६ देशमा भिसा-मुक्त प्रवेश प्रदान गर्दछ । नेपालको राहदानी अन्तिमबाट छैठौँमा पर्छ ।
अन्तिममा अफगानिस्तानको राहदानी छ । अन्तिमबाट क्रमश: सिरया, इराक र यमन दोस्रो, तेस्रो र चौथो स्थानमा छन् । त्यसपछि पाकिस्तान, सोमालिया र नेपाल छन् ।
