०३ साउन २०८३, आइतबार
अमेरिकी राष्ट्रपति डोनाल्ड ट्रम्पले इरानका सर्वोच्च नेता अयातोल्लाह अली खामेनीको मृत्यु भएको दाबी गरेका छन् । आइतबार बिहान ट्रुथ सोसलमा ट्रम्पले खामेनीको मृत्यु भएको दाबी गरेका हुन् ।
ट्रम्पले ट्रुथ सोसलमा लेखे, 'इतिहासका सबैभन्दा दुष्ट मानिसहरूमध्ये एक खमेनी अब मरेका छन् । यो इरानका जनताका लागि मात्र होइन, तर विश्वभरका धेरै देशका महान अमेरिकीहरू र जनताका लागि पनि न्याय हो।'
यद्यपि, इरानबाट अहिलेसम्म कुनै प्रतिक्रिया आएको छैन। ट्रम्पले अमेरिका र इजरायली आक्रमणमा इरानका धेरै नेतृत्व तहका व्यक्तिहरू मारिएको समेत दाबी गरे ।
शनिबारदेखि अमेरिका र इजरायलले धेरै इरानी शहरहरूमा आक्रमण गरिरहेको छ ।
यसअघि, इजरायली प्रधानमन्त्री बेन्जामिन नेतान्याहुले इरानका सर्वोच्च नेता अब नरहेको बताएका थिए ।
सन् १९८९ देखि इरानका सर्वोच्च नेताका रूपमा कार्यरत खामेनेई देशका सबैभन्दा शक्तिशाली व्यक्तित्व हुन् ।
उनी राष्ट्राध्यक्ष तथा सशस्त्र बलका सर्वोच्च कमान्डर हुन् । उनीसँग राष्ट्रिय प्रहरी र ‘नैतिकता प्रहरी’माथि पनि पूर्ण अधिकार छ ।
इरानको सरकारी समाचार एजेन्सी फार्सले इरानको सर्वोच्च नेताको परिवारका धेरै सदस्य मारिएको पुष्टि गरेको छ। यसमा उनकी छोरी, ज्वाइँ, नाति र बुहारी पनि समावेश छन्।
