०३ साउन २०८३, आइतबार
प्रतिनिधिसभा निर्वाचन २०८२ को अन्तिम परिणाम आउने क्रम जारी छ। बिहान ६ बजेसम्म १२६ निर्वाचन क्षेत्रको अन्तिम परिणाम आएको छ।
जसमा राष्ट्रिय स्वतन्त्र पार्टी (रास्वपा) ९७, नेपाली कांग्रेस १४, नेकपा एमाले ७, नेपाली कम्युनिस्ट पार्टी ६, राष्ट्रिय प्रजातन्त्र पार्टीले १ र स्वतन्त्रले १ निर्वाचन क्षेत्रमा विजयी भएका छन् ।
हाल रास्वपा २८ स्थानमा अगाडि । कांग्रेस २ र एमाले ४ स्थानमा अगाडि छन् । नेकपा २ स्थानमा अगाडि छ भने श्रम संस्कृति पार्टी ३ स्थानमा अगाडि छ ।
राष्ट्रिय स्वतन्त्र पार्टीले समानुपातिकमा पनि १० लाख मत कटाएको छ ।
पछिल्लो तथ्याङ्क अनुसार कुल १९ लाख ४५ हजार १५५ मतगणना हुँदा रास्वपाले ५० प्रतिशतभन्दा बढी मत प्राप्त गरेको हो ।
नेपाली कांग्रेसले हालसम्म ३ लाख ३० हजार ५३२ मत प्राप्त गरेको छ । त्यस्तै, एमाले २ लाख ६३ हजार ४०८ मतका साथ तेस्रो स्थानमा छ।
नेपाली कम्युनिस्ट पार्टी १ लाख ९४ हजार ६ सय ९८ समानुपातिक मत पाएको छ ।
राष्ट्रिय प्रजातन्त्र पार्टी (राप्रपा)ले ७१ हजार ९ सय ३७ समानुपातिक मत प्राप्त गरेको छ । श्रम संस्कृति पार्टीले भने ४२ हजार १८८ मत ल्याएको छ।
