२२ जेठ २०८३, शुक्रबार
भारत भ्रमणमा रहेका राष्ट्रिय स्वतन्त्र पार्टी (रास्वपा)का सभापति रवि लामिछानेले भारतीय विदेशमन्त्री डा. एस. जयशंकरसँग भेटवार्ता गरेका छन् ।
मंगलबार नयाँ दिल्लीमा भएको भेटपछि सामाजिक सञ्जालमार्फत प्रतिक्रिया दिँदै भारतीय विदेशमन्त्री जयशंकरले रास्वपा सभापति लामिछाने र उनको प्रतिनिधिमण्डलसँग भेट गर्न पाउँदा खुसी लागेको बताएका छन् ।
उनका अनुसार भेटवार्तामा नेपाल–भारतबीचको विकास साझेदारी र जनस्तरको सम्बन्धबारे छलफल भएको छ ।
जयशंकरले नेपाल र भारतबीचको विकास साझेदारी तथा दुई देशका नागरिकबीचको सम्बन्धले आर्थिक वृद्धि र समृद्धि प्रवर्द्धनमा महत्त्वपूर्ण भूमिका खेल्ने उल्लेख गरेका छन् ।
