मंसिर २४, २०८०
नेपाली कांग्रेसका नेता डा. शेखर कोइरालाले आफ्नो समूहको बैठक बोलाएका छन् । आगामी महासमिति बैठकसहितका विषयमा छलफल गर्न कोइरालाले आगामी मंगलवार समूहको बैठक बोलाएका नेता डा. गोविन्दर...
काठमाडौं – आदिवासी दिवसको अवसर पारेर शेरधन राई नेतृत्वको प्रदेश नम्बर १ को सरकारले साउन २४ गते बिहीवार सार्वजनिक बिदा दिने घोषणा गर्यो ।
प्रदेश सरकारका तर्फबाट प्रदेशका १४ वटै जिल्ला प्रशासनसहित सम्बन्धित कार्यालयहरूलाई पत्राचार गरियो ।
पत्र प्राप्त भएपछि जिल्ला प्रशासन कार्यालयहरूले बिदा गर्ने कि नगर्ने भन्ने विषयमा गृहमन्त्रालयसँग निर्णय मागे । गृहमन्त्रालयबाट बिहीवार बिहानै निर्देशन आयो– ‘संघअन्तर्गतका कार्यालय खुला राख्नू ।’
निर्देशनपश्चात जिप्रकाहरू खुला रहे । प्रदेशका मन्त्रालयसहित त्यस मातहतका कार्यालय र स्थानीय तहका कार्यालयहरू बन्द भए ।
...
गत जेठमा मधेसी एसोसिएसन इन अमेरिकाको प्रथम सम्मेलनमा भाग लिन प्रदेश २ का मुख्यमन्त्री लालबाबु राउत अमेरिका जान खोजेका थिए । तर संघीय सरकारको मन्त्रिपरिषद्ले प्रदेशमा कामको चाप बढिरहेको समयमा विदेश जान उपयुक्त नहुने भन्दै उनको भ्रमण अस्वीकृत गरिदियो ।
अमेरिका जान नपाएपछि राउतले जेठ १२ गते शनिबार आफ्नै कार्यकक्षबाट भिडियोमार्फत् सम्मेलनलाई सम्बोधन गरे ।
...
यातायात व्यवस्था विभागले देशैभरका यातायात कार्यालयबाट लाइसेन्स वितरण गर्ने गरी आवेदन खुला गर्यो । तर प्रदेश २ को भौतिक पूर्वाधार तथा यातायात विकास मन्त्रालयले यातायात व्यवस्था कार्यालय आफू मातहत आइसकेकाले समन्वय नगरी गरिएको निर्णय कार्यान्वयन गर्न नदिने भन्दै पत्र पठायो ।
यी त प्रतिनिधि घटना मात्र हुन् । पछिल्लो समय केन्द्र र प्रदेशबीच द्वन्द्व बढिरहेको छ ।
खासगरी अधिकार बाँडफाँड तथा राजस्व संकलनका विषयमा दुई तहका सरकारबीच विवाद देखिएको छ ।
राष्ट्रिय प्राकृतिक स्रोत तथा वित्त आयोगले पूर्णता नपाउँदा राजस्व संकलन, बाँडफाँड र प्राकृतिक स्रोतको स्वामित्वका विषयमा विवाद देखिएको छ भने कतै संघको निर्णयमा प्रदेश र कतै प्रदेशको निर्णयमा संघले ब्रेक लगाइरहेका छन् ।
प्रदेश २ का भौतिक पूर्वाधार तथा यातायात विकास मन्त्री जितेन्द्र सोनल स-साना कुरामा पनि संघीय सरकारले चासो दिँदा समस्या निम्तिएको बताउँछन् ।
‘खासमा संघीयताको मूलभूत सिद्धान्त के हो भने– विदेश नीति, मौद्रिक नीति र बाह्य सुरक्षा (सेना)बाहेक अन्य झिनामसिना कुरामा संघीय सरकार अल्झिनु हुँदैन,’ मन्त्री सोनलले लोकान्तरसँग भने, ‘इलाका प्रहरीको इन्स्पेक्टर मै सरुवा गर्छु, सिँचाइ आयोजनाहरू मै हेर्छु, रोड मै बनाउँछु । यातायात लाइसेन्स मै जारी गर्छु, भन्न थाल्यो भने कहाँ हुन्छ त ?’
उनले थपे– ‘संघको मन्त्रिपरिषद्ले निर्णय गर्यो– यातायात कार्यालय अब प्रदेश मातहतमा रहने । त्यसको केही दिनपछि मन्त्रालयको पनि एउटा विभागले सूचना जारी गर्छ– लाइसेन्स हामी जारी गर्छौं । अब प्रदेश सरकार संघीय मन्त्रालयको पनि विभागको मातहतमा रहनुपर्ने ?’
समस्याको मूल जड केन्द्र नै भएको उनको जीकिर छ । ‘हामीले कानूनहरूलाई पूर्णता दिन खोजेको हो, समस्या केन्द्र सरकारकै कारण भइरहेको छ,’ उनले भने, ‘कार्यक्षेत्र व्यवस्थापन हुनुपर्यो, कार्यालय तोकिनुपर्यो र कर्मचारीको व्यवस्था हुनुपर्यो । नत्र त मन्त्रालय फङ्सन नै हुँदैन । एक्लै कसरी काम गर्ने ?’
कर्णाली प्रदेशका आन्तरिक मामिला तथा कानूनमन्त्री नरेश भण्डारी भने संघीय अभ्यासमा नेपाल नयाँ भएकाले शुरुमा आउने झिनामसिना समस्यालाई सामान्य मान्नुपर्ने बताउँछन् ।
‘केन्द्र र प्रदेशबीच द्वन्द्व नै भइसकेको भन्न मिल्दैन,’ मन्त्री भण्डारी भन्छन्, ‘नयाँ प्रक्रियामा जाँदा शुरुमा केही पेनफुल त हुन्छ नै ।’
केही कानूनी अड्चनका कारण काम गर्न असहज भने भइरहेको उनको भनाइ छ । ‘केही कानूनी अड्चनहरू छन्, त्यसैकारण हामी कुद्न सकिरहेका छैनौं,' मन्त्री भण्डारीले लोकान्तरसँग भने, ‘संघले ऐन/कानून र अधिकारका सूची अविलम्ब टुंग्याइदिनुपर्छ, त्यसो भयो भने प्रदेशलाई आवश्यक पर्ने कानून निर्माणको ढोका खुल्छ ।’
स्वच्छ अभ्यास र सकारात्मक सोचको खाँचो !
संवैधानिक कानूनका ज्ञाता एवम् संघीयताका जानकार काशीराज दाहाल नेपालमा संघीयताबारे बुझाइमै समस्या रहेको बताउँछन् ।
‘नेपालको संघीयता सहकारिता, सहअस्तित्व र समन्वयमा आधारित छ,’ दाहाल भन्छन्, ‘संविधानले व्यवस्था गरेको छ– ३५ वटा विषय संघको एकल अधिकारको सूचीमा छन् । यस्तै प्रदेशका २१, स्थानीय तहका २२, संघ र प्रदेशका साझा २५ र तीनै तहका साझा १५ विषय छन् । साझा सूचीका विषयमा स्पष्ट कानून नबनिसकेकाले समस्या भएको हो ।’
यस्ता विषयमा संघले तत्काल कानून बनाएर स्पष्ट बनाइदिनुपर्ने उनको भनाइ छ । ‘साझा सूचीका विषयमा कानून बनाएर संघले तत्काल स्पष्ट बनाइदिनुपर्ने छ,’ दाहालले भने, ‘संघको कार्यक्षेत्र के हुने, कस्ता योजना हेर्ने र प्रदेश तथा स्थानीय तहका के हुने भन्ने विषयमा तालमेल भएपछि समस्या समाधान हुन्छ ।’
सबै सिकाइकै चरणमा रहेको भन्दै उनले स्वच्छ अभ्यास र सकारात्मक सोचबाट अघि बढे खासै समस्या ननिम्तिने बताए ।
तीन तहका सरकारबीच समन्वयका लागि ३ वटा परिषद्को परिकल्पना गरिएको भन्दै उनले भने– 'संघ र प्रदेशबीच समन्वय गर्न अन्तर प्रदेश परिषद्, तीनै तहबीच आर्थिक हिसाबले समन्वय गर्न अन्तर वित्त परिषद् तथा प्रदेश र स्थानीय तहबीच समन्वय अर्को संयन्त्र छ । त्यसलाई प्रयोग गरेर समस्या र असमझदारी सुल्झाउनुपर्छ ।'
नेपाली कांग्रेसका नेता डा. शेखर कोइरालाले आफ्नो समूहको बैठक बोलाएका छन् । आगामी महासमिति बैठकसहितका विषयमा छलफल गर्न कोइरालाले आगामी मंगलवार समूहको बैठक बोलाएका नेता डा. गोविन्दर...
नेपाली कांग्रेसका केन्द्रीय सदस्य तथा सांसद डा. चन्द्र भण्डारीले पार्टी सभापति शेरबहादुर देउवाले अब नेतृत्व छाड्नुपर्ने बताएका छन् । पार्टीको लुम्बिनी प्रदेश सम्मेलनमा शनिवार बोल्दै भण्डारीले देउवाले अब...
नेकपा (एकीकृत समाजवादी)का अध्यक्ष माधवकुमार नेपालले कोशी प्रदेशमा सर्वदलीय सरकारको आवश्यकता रहेको बताएका छन् । विराटनगर विमानस्थलमा शनिवार सञ्चारकर्मीहरूसँग कुराकानी गर्दै पूर्वप्रधानमन्त्रीसमेत रहेका न...
मोहन वैद्यले नेतृत्व गरेको नेकपा (माओवादी क्रान्तिकारी)ले गरेको लालमार्च तथा सभामा कुर्सी हानाहान भएको छ । क्रान्तिकारीले १३१ औं माओ दिवसका अवसरमा काठमाडौंको शान्ति वाटिकामा गरेको मार्चपासमा कुर्सी हानाहान...
नेकपा एमालेको भ्रातृ संगठन राष्ट्रिय युवा संघ नेपाल लुम्बिनी प्रदेश कमिटीको अध्यक्षमा रुपन्देही देवदहका सुरज खरेल निर्विरोध निर्वाचित भएका छन् । प्रथम अधिवेशनबाट उनी अध्यक्ष पदमा सर्वसम्मत निर्वाचित भएका हुन् । ...
जसपाबाट उपराष्ट्रपतिमा रामसहाय यादवको उम्मेदवारी कायम भएको छ। सत्ता गठबनधनको तर्फबाट उपराष्ट्रपतिको उम्मेदवार बनाइएका जसपा नेता रामसहाय प्रसाद यादवको उम्मेदवारी निर्वाचन आयोगले कायमै राख्ने ...
मानव स्वभाव प्रायः म र मेरो भन्ने हुन्छ । जस्तोसुकै आदर्शको कुरा गरे पनि, जतिसुकै महान देखिन खोजे पनि यी म र मेरोमा अलिकति धक्का लाग्नेबित्तिकै, ढेस पुग्नेबित्तिकै त्यस्ता आदर्श र महानता कुन सड्को ‘फू&rsquo...
२०६२ सालपछिको कुरा हो, अख्तियार दुरूपयोग अनुसन्धान आयोगका एकजना उपसचिव र एकजना शाखा अधिकृत कम्पनी रजिष्ट्रारको कार्यालयमा सरुवा भएर गए । यति मात्र होइन, राष्ट्रिय सतर्कता केन्द्रका एक उपसचिव पनि सोही कार्यालयमा...
धेरै पहिलेको कुरा हो एक जना सज्जनका दुई भाइ छोरा थिए । उनीहरूबीच निकै मिल्ती थियो । एकपटक भगवान्ले आएर वरदान माग भनेकाले उनीहरूले अमरताको वर मागेका थिए । उनीहरूको कुरा सुनेर भगवान्ले भने– ‘...