काठमाडौं,२९ फागुन होलीको अवसरमा नेपाली सिनेकर्मी कलाकारहरु अभिनेत्री करिश्मा मानन्धरको निवास गोदावरीमा जम्मा भएर होली पर्व मनाएका छन् ।

होलीको अवसरमा अभिनेत्री तथा नयाँशक्ति नेपालकी नेतृ करिश्माले आफ्नो निवास ललितपुरको गोदावरीमा विशेष कार्यक्रमको आयोजना गरेकी थिइन् ।

होली पर्वकै दिन करिश्माका श्रीमान् विनोद मानन्धरको पनि जन्मदिन पर्ने भएका कारण करिश्माले श्रीमान्को जन्मदिन सँगसँगै हरेक बर्ष होलीपर्वको आयोजना गर्दै आएकी छिन् ।

कलाकारहरु एकैठाउँमा जम्मा भएर मनाएको होलीपर्वमा करिश्माले होलीपर्वमा आएका पाहुनाहरुलाई खानपिनको व्यवस्था पनि गरेकी थिइन् ।

होली मनाउन अभिनेत्री तथा राप्रपा नेपालकी नेतृ रेखाथापा , शिव श्रेष्ठ, नयाँ शक्ति नेपालकी नेतृ हिसिला यमि लगायत सिने पत्रकारहरु करिश्मा निवास गोदावरी पुगेका थिए ।

सो अवसरमा कलाकारहरु गीतको तालमा कम्मर मर्काउँदै नाच्न भ्याए । फरक राजनैतिक विचार भएपनि नयाँ शक्ति नेपालकी नेतृ करिश्मा मानन्धर र राप्रपा नेपालकी नेतृ रेखा थापाको संयुक्त नाचले कार्यक्रममा थप रौनकता थपेको थियो ।

होलीमा कलाकारहरु एक आपसमा रंग लगाउँदै रमाइरहेको हेर्न गोदावरीमा स्थानीयको घुँइचो लागेको थियो ।