कात्तिक २१, २०८०
भैहवाबाट झण्डै २० किलोमिटर पश्चिममा छ रुपन्देहीको सियारी–५ मा बैदौली गाउँ । सोही गाउँकी ३३ वर्षीया सावित्रा खरेल खनाल आमा बन्ने खुसीको मुखैमा थिइन् । विवाह गरेको दुई वर्ष मात्रै पुग्नै लाग्दा सावित्रा आम...
कञ्चनपुर – कुर्सीमा पुगेपछि कुर्सीमै टाँसिरहने प्रवृति नेपाली राजनीतिकर्मीमा हाबी छ । राजनीतिलाई नै व्यापार ठान्ने घातक प्रवृति उत्तिकै मौलाउँदो छ ।
तर कतिपय यस्ता पनि जनप्रतिनिधि छन्, जसले जीविकोपार्जनको पाटो राजनीति होइन, फरक क्षेत्रलाई बनाएका छन् । जसमध्ये एक हुन् कञ्चनपुरको बेलौरी नगरपालिकाका (प्रमुख) मेयर पोतीलाल चौधरी ।
बेलौरी नगरपालिका–५ रामनगर बस्तीमा घर रहेका मेयर पोतीलालले घरसँगै रहेको जग्गामा एकसाथ व्यावसायिक बंगुरपालन, माछापालन, तरकारी खेती, जडीबुटी खेती गर्दै आएका छन् । जसबाट मनग्य आम्दानी समेत गर्दै आएको उनी बताउँछन् ।
मेयर पोतीलालले भने, ‘राजनीति सेवा हो, व्यापार होइन । यसमा आश्रित हुने प्रवृत्ति मुलुकको लागि दूर्भाग्य हो । मेरो पारिवारिक जीविकोपार्जनको बाटो नितान्त कृषि पेशा नै हो । बस् मैलै परम्परागत खेतीपातीलाई व्यवस्थित गर्दै व्यावसायिक बनाउन खोजेको मात्रै हुँ ।’
संयुक्त परिवारमा बस्दै आएका उनी नगरपालिकाबाट घर फर्केलगत्तै घरपरिवारसँग कृषि कर्ममा खटिन्छन् । उत्पादित कृषि उपज उनका परिवारजन नजिकै रहेको बेलौरी बजारसम्म पुर्याउँछन् । परिवारलाई चाहिने तरकारी आफ्नै बारीमा उत्पादन गरिरहेका छन् भने बाँकी तरकारी बिक्रि गरेर बालबालिकाको शिक्षादीक्षालगायत घरका आवश्यकता परिपूर्ति हुने गरेको मेयर पोतीलालले सुनाउँछन् ।
स्थानीय स्तरमा निकै लोकप्रिय रहेका पोतीलाल तत्कालीन नेकपा माओवादीबाट २०७४ सालको स्थानीय तह निर्वाचनमा बेलौरी नगरपालिकाको मेयरमा भारी मतले विजय भए ।
कार्यालय समयका साथै अन्य समयमा पनि जनताकै सेवामा समर्पित उनी जनताको सेवाबाट बाँकी रहेको समयलाई सदुपयोग गरी कृषि कर्ममा अगाडी बढेपछि पौरखी व्यक्तित्वको रुपमा पनि आफ्नो छवि बनाएका छन् ।
‘समय धेरै मूल्यवान छ । मूल्यवान समयलाई व्यवस्थापन गर्न सक्नुपर्छ । कार्यालयबाट फर्केपछि केही समयमा बेमौसमी तरकारी खेती, माछापालन र बँगुरपालन, जडीबुटीमा लाग्छु । परिवारका सदस्यहरूलाई सल्लाह सुुझाव दिन्छु,’ उनले अगाडि थपे ।
१८ वटा बंगुर, ५ हजार माछा, केही जग्गामा मेन्था, केमोमाइल प्रजातिको जडीबुटी खेती गरेको सुनाउँदै उनले खेतीमा परिवारको सदस्यहरूको राम्रो साथ र सक्रियता रहेको बताउँछन् ।
बजारमा नयाँ तरकारी नआउँदै उनले आफ्नो बारीमा बेमौसमी तरकारी फलाइसकेका हुन्छन् । अहिले उनको बारीमा लौकी, करेला, बोडी, भिन्डी, पर्वर लगायत तरकारी फलेका छन् । माछापोखरीमा माछा खेलिरहेका छन् भने माछापोखरीको ढिकमा रहेको बंगुरको खोरमा बंगुरका पाठापाठी हुर्किरहेका छन् ।
व्यावसायिक कृषि कर्मले उनको परिवारका सदस्यहरूलाई घरमै स्वरोजगार भएका छन् । ‘हामी (जनजाति) उसै पनि गरी खाने वर्ग हो । खाद्यान्न आफैं फलाउँछौ । किनेर वा मागेर खाएको अवस्थामा समाजमा अपहेलित हुने मानसिकता उत्तिकै बलियो छ । जुनकारणले निर्वाहमुखी कृषि पेशालाई व्यावसायिक बनाउँदै गएका छौं र बनाउनुपर्छ भन्दै अभियान पनि चलाउँदै आएको छु,’ उनले भने ।
बेलौरीका अधिकांश स्थानीय कृषि पेशामा नै आवद्ध छन् । कतिपयले मेयर पोतीलालबाट नै सिको गर्दै व्यावसायिक कृषि पेशालाई अगाडि बढाएको स्थानीय बताउँछन् । नगर क्षेत्रमा उत्पादित कृषि उपजको बजार स्थानीय बेलौरी बजार, पुनर्वास बजारका साथै कञ्चनपुरको छिमेकी जिल्ला कैलालीको धनगढी बजार पनि हो ।
कृषिलाई प्राथमिकता
बेलारी नगरपालिका कृषिको लागि सम्भावनाले भरिएको क्षेत्र हो । कृषि क्षेत्रलाई नगरपालिकाले आफ्नो बजेट कार्यक्रममा प्राथमिकतामा राख्दै आएको पाइएको छ ।
आर्थिक वर्ष २०७५/२०७६ मा कृषि क्षेत्रतर्फ करीब १ करोड बजेट विनियोजन गरेको नगरपालिकाले सबै कार्यक्रम सफलतापूर्वक गरेको जनाएको छ भने आर्थिक वर्ष २०७६/२०७७ को लागि पनि कृषि क्षेत्रको विकासको लागि करीब १ करोड रुपैयाँको हाराहारीमा बजेट विनियोजन गरेको जनाएको छ ।
नगरपालिकाका प्रमुख प्रशासकीय अधिकृत छबिलाल नेपाली कृषिको आधुनिकीकरण तथा यान्त्रिकीकरणमा जोड दिँदै कार्यक्रम ल्याएको बताउँछन् । नगर क्षेत्रमा हालसम्म कृषि उपज भण्डार गृह र संकलन केन्द्र नरहेको बताउँदै उनले आर्थिक वर्ष २०७६/२०७७ मा नगरको बेलौरी, कलकत्ता र गोकुलपुरमा भण्डार केन्द्र र कृषि हाट बजार तथा संकलन केन्द्र स्थापना गर्ने योजना रहेको सुुनाउँछन् ।
भैहवाबाट झण्डै २० किलोमिटर पश्चिममा छ रुपन्देहीको सियारी–५ मा बैदौली गाउँ । सोही गाउँकी ३३ वर्षीया सावित्रा खरेल खनाल आमा बन्ने खुसीको मुखैमा थिइन् । विवाह गरेको दुई वर्ष मात्रै पुग्नै लाग्दा सावित्रा आम...
पाल्पामा १९ वर्षीया किशोरीलाई बलात्कार गरेको आरोपमा एक जना पक्राउ परेका छन् । पक्राउ पर्नेमा गुल्मीको इस्मा गाउँपालिका ६ का २६ वर्षीय जिज्ञाश दाहाल रहेका छन् । उनलाई मंगलवार साँझ पक्राउ गरिएको प्रहरीले जनाएको...
नेपाली सेनाका कर्णेल कामेश्वर यादवको घरमा चोरी भएको छ । ललितपुर महानरपालिका–१८ भैँसेपाटीमा रहेको उनको घरबाट १९ लाख ४२ हजार ६ सय रुपैयाँसहित विभिन्न सामानहरू चोरी भएको जिल्ला प्रहरी परिसरका एसएस...
काठमाडौँ, २२ चैत –निर्वाचन आयोगले न्यायपरिषद्को परामर्शमा ७५ जिल्लाका जिल्ला न्यायाधीशलाई मुख्य निर्वाचन अधिकृत नियुक्त गरेको छ । आगामी वैशाख ३१ गते हुने स्थानीय तह निर्वाचनका लागि आयोगले उनीहरुलाई मुख्...
आफूलाई ‘लिटिल बुद्ध’ भनेर दाबी गर्ने रामबहादुर बम्जन पक्राउ परेपछि उनीबारे नयाँ–नयाँ तथ्य सार्वजनिक भइरहेका छन् । प्रहरीले उनलाई मंगलबार साँझ ७ बजे काठमाडौंको बूढानीलकण्ठस्थित निवास...
काठमाडौं उपत्यकामा भूकम्पको झड्का महसुस गरिएको छ । सोमवार अपरान्ह ४ बजेर ३३ मिनेटको समयमा भूकम्पको झड्का महसुस गरिएको हो । जाजरकोटको रामीडाँडा केन्द्रविन्दु भएर अपराह्न ४ बजेर ३१ मिनेटमा ५ दशमलव ८ रे...
नेपालको निजामती सेवा (समग्र प्रशासन) कम व्यावसायिक भएको आरोप लाग्दै आएको छ । कर्मचारीहरूमा बुझाइको स्तर सतही देखिन थालेको छ । सकारात्मक सोच पनि खस्किएको छ । प्रस्तुतिमा आत्मविश्वास होइन, हीनभावना देखिन थालेको ...
निरन्तर १८ वर्ष लामो कन्जरभेटिभ पार्टीको सरकारलाई विस्थापित गर्दै लेबर पार्टीका नेता टोनी ब्लेयर सन् १९९७ को मे २ मा बेलायतको प्रधानमन्त्री बन्न सफल भएका थिए । लेबर पार्टीका नेता जोन स्मिथको निधनपश्चात पार्टीको ...
जनता समाजवादी पार्टीमा आएको विभाजन पहिलो पनि होइन र अन्तिम पनि होइन । राजनीतिक दलमा आएको विभाजनको लामो शृङ्खला हेर्ने हो भने पनि यो न पहिलो हो, न अन्तिम । दुःखद् कुरा के भने राजनीतिक दल विभाजनको नयाँ कोर्...