कास्की–२ मा उम्मेदवारलाई ९८ वर्षीय मतदाताको आशीर्वाद– ‘जनताको सेवा गर्नू, कसैको मन नदुखाउनू’

फोटोमा कांग्रेस उम्मेदवार पौडेल र नेकपा उम्मेदवार भट्टराई

उपनिर्वाचनको मिति नजिकिँदै गर्दा कास्की क्षेत्र नं २ का प्रतिनिधिसभा सदस्यका उम्मेदवार यतिखेर घरदैलोमा व्यस्त छन् । 

प्रत्येक दिनको घरदैलोको शुरूआत उम्मेदवारहरूले सकेसम्म सम्बन्धित ठाउँको ज्येष्ठ मतदाताबाट आशीर्वाद लिएर गर्ने गरेका छन् । 


Advertisement

सामान्यतः ज्येष्ठ मतदाताको पनि आर्शीवाद एउटै हुन्छ, ‘चुनाव जित्नू, कसैको मन नदुखाउनू ।’


Advertisement

चुनाव प्रचारप्रसारकै क्रममा नेपाली कांग्रेसका तर्फबाट उम्मेदवार खेमराज पौडेलले आज पोखरा महाकाली चोकबाट स्थानीयवासी ९८ वर्षीया त्रिलोचना आचार्यबाट आशीर्वाद लिएर घरदैलो शुरू गरेका छन् ।

पौडेललाई टीका लगाइदिएर चुनावमा विजयी हुन आर्शीवाद दिँदै आचार्यले भने, 'चुनाव जित्नू, जनताको सेवा गर्नू, कसैको मन नदुखाउनू ।' 

खेमराज अहिलेसम्म लोभ मोहमा नफसेको बताउँदै आचार्यले लामो समय राजनीति गरी जनताको सेवा गरेका पौडेलले यो चुनाव जित्नुपर्ने बताए ।

पार्टीका केन्द्रीय सदस्य जीवन परियारले त्यागी र निष्ठावान नेतालाई उम्मेदवारको रूपमा अघि सारेका कारण पार्टी पङ्क्तिमात्र नभई सबैमा उत्साह थपिएको बताए ।

रकारका अलोकतान्त्रिक गतिविधिलाई परास्त गर्दै सही बाटोमा हिँडाउन यो उपनिर्वाचनमा कांग्रेसको विजय आवश्यक भएको उनको भनाइ थियो ।

कांग्रेसले आज पोखरा ३३ मा घरदैलो सकी भोलि पोखरा–९ मा घरदैलो र पोखरा–१७ मा कोणसभा गर्ने कार्यक्रम रहेको चुनाव प्रचारप्रसार समितिले जनाएको छ ।

निर्वाचनमा पौडेलको मुख्य प्रतिस्पर्धा नेकपा उम्मेदवार विद्या भट्टराईसँग छ । भट्टराई उक्त क्षेत्रका पूर्व सांसद रवीन्द्र अधिकारीकी पत्नी हुन् ।

कमेन्ट गर्नुहोस्