धितोपत्र बजारमा कारोबार रकम ७६ करोड नाघ्यो

धितोपत्र बजारमा शेयर कारोबार मापक नेप्से परिसूचक दोहोरो अंकले वृद्धि भएको छ ।

नेपाल स्टक एक्सचेन्जका अनुसार बिहीवार नेप्से ११.१७ अंकले बढेर १ हजार १७२.६४ पुगेको छ । सेन्सेटिभ परिसूचक ०.४१ अंकले बढेर २५५.६० पुगेको छ । 


Advertisement

परिसूचक बढेसँगै कारोबार रकममा पनि बढोत्तरी आएको छ । बिहीवार १६८ कम्पनीका २१ लाख २ हजार ६१ कित्ता शेयर ७६ करोड ४० लाख २५ लाख २१३ रुपैयाँमा खरिदबिक्री भयो ।

कारोबार भएका कुल १२ उपसमूहमध्ये ५ उपसमूहको शेयर ओरालो लागेको छ । व्यापार १९, होटल ३.७, उत्पादन ४४.९८, अन्य १.९४, माइक्रोफाइनान्स उपसमूहको शेयर ८.२२ अंकले घटेको छ ।


Advertisement

बैंकिङ २.८२, विकास बैंक २.७२, हाइड्रोपावर २८.९७, फाइनान्स १.४, निर्जीवन बीमा ३३२.०४, जीवन बीमा २७८.६९ र सामूहिक लगानी कोषको शेयर ०.०९ अंकले बढ्यो । 

कारोबार रकमका आधारमा स्वावलम्बन लघुवित्त वित्तीय संस्थाको संस्थापक शेयर शीर्ष स्थानमा रह्यो । बैंकको शेयर ८ करोड २८ लाख ५२ हजार ३१ रुपैयाँमा खरिदबिक्री भयो । डिप्रोक्स लघुवित्त वित्तीय संस्थाको ४ करोड १० लाख ७० हजार ६२० रुपैयाँ, एनएमबी बैंकको ३ करोड ७६ लाख ५९ हजार ५४४ रुपैयाँ, नेपाल लाइफ इन्स्योरेन्स कम्पनीको ३ करोड ६६ लाख ५३ हजार ५४४ रुपैयाँ, नेपाल बैंक लिमिटेडको २ करोड १ लाख ८९ हजार ३८ र नेपाल इन्स्योरेन्स कम्पनीको शेयर १ करोड ८६ लाख ३८ हजार २१६ रुपैयाँमा खरिदबिक्री भयो । 

बिहीवार सबैभन्दा बढी गुराँस लघुवित्त वित्तीय संस्थाका शेयरधनीले ४.७७ प्रतिशतले गुमाए । साल्ट्र ट्रेडिङ कम्पनी ४.६०, युनिलिभर नेपाल लिमिटेड ३.९३, एनएमबी माइक्रोफाइनान्स वित्तीय संस्था ३.६७, गुह्वेश्वरी मर्चेन्ट बैंक तथा फाइनान्स र दिव्यश्वरी हाइड्रोपावरका लगानीकर्ताले समान ३.४४ तथा आँधीखोला लघुवित्त वित्तीय संस्थाका शेयरधनीले ३.२७ प्रतिशतले गुमाए । 

स्टकका अनुसार बिहीवार सबैभन्दा बढी एभरेस्ट इन्स्योरेन्स कम्पनीका शेयरधनीले १० प्रतिशतले कमाए । सूर्या लाइफ इन्स्योरेन्स ९.९६, हिमालयन जनरल इन्स्योरेन्स ९.९३, सगरमाथा इन्स्योरेन्स ९.९२, हिमालयन उर्जा विकास कम्पनी र आइएमइ जनरल इन्स्योरेन्सका लगानीकर्ताले समान ९.८० तथा नेपाल इन्स्योरेन्स कम्पनीका शेयरधनीले ९.७९ प्रतिशतले कमाए ।

लोकान्तर संवाददाता
लोकान्तर संवाददाता

लेखकबाट थप...

कमेन्ट गर्नुहोस्