ओबामामाथि व्यंग्य गर्दै ट्रम्पले गरे रमाइलो ट्वीट, के हो उद्देश्य ?

अमेरिकाका राष्ट्रपति डोनल्ड ट्रम्पले शुक्रवार रमाइलो ट्वीट गरेका छन् । 

पूर्वराष्ट्रपति बाराक ओबामाले दूरबीन लिएर ट्रम्प टावर चढिरहेको अनि आफू चाहिँ भित्तामा अडेस लगाएर उभिएको तस्वीर उनले ट्वीट गरेका हुन् । यो फोटोशप गरिएको तस्वीर हो । 


Advertisement

ट्रम्पले कुनै पनि टेक्स्ट नलेखिकन तस्वीर ट्वीट गरेका हुन् । 

फरेन इन्टेलिजेन्स सर्भेलान्स कोर्ट (विदेशी जासूसी निगरानी अदालत) ले एक गोप्य आदेशमा कार्टर पेजविरुद्ध जारी गरिएका कम्तीमा दुईवटा वारेन्टहरू वैध नरहेको स्वीकार गरेपछि त्यसको प्रतिक्रियास्वरूप ट्रम्पको ट्वीट आएको हुन सक्छ ।

कार्टर पेज ट्रम्पका सल्लाहकार रहिसकेका व्यक्ति हुन् । 


Advertisement

पेजमाथि सन् २०१७ को अप्रिल ७ र जुन २९ मा जारी गरिएका वारेन्टहरू वैध नरहेको भनी अदालतका जेम्स बोआसबर्गले दिएको आदेश बिहीवार मात्र सार्वजनिक गरिएको हो । 

ओबामाको प्रभाव रहेको एफबीआईले ट्रम्पको सूचना हत्याउन पेजमाथि जासूसी गरेको भन्ने सोच ट्रम्पमा परेकाले ओबामाले आफूलाई दूरबीनबाट चिहाएर हेरेको देखाएका हुन सक्छन् । 

अदालतको वारेन्ट पाएपछि एफबीआईले निजी व्यक्तिहरूमाथि जासूसी गर्न पाउँछ ।

एजेन्सी
 

लोकान्तर संवाददाता
लोकान्तर संवाददाता

लेखकबाट थप...

कमेन्ट गर्नुहोस्