माघ २४, २०८०
कास्की प्रहरीले राष्ट्रिय स्वतन्त्र पार्टी (रास्वपा) सभापति रवि लामिछानेसहित थप १८ जनाविरुद्ध अनुसन्धान सुरु गरेको छ । पोखराको सूर्यदर्शन बचत तथा ऋण सहकारी ठगी प्रकरणमा ...
माघ १२, २०७६
सरकारले जहाजको व्यवस्था गरोस्, भाडा हामी दिन्छौँ : दिवंगर खोटेजा
हुवाचोङ युनिभर्सिटी अफ साइन्स एन्ड टेक्नोलोजी वुहानमा पिएचडीका विद्यार्थी
घर : भक्तपुर
तीन वर्षदेखि म यो सहरमा छु । हुपेई प्रान्तको यो सहर राजधानी बेइजिङदेखि १२ घन्टाको दूरीमा दक्षिण र सांघाईबाट नौ घन्टाको दूरीमा पश्चिम पर्छ । हुन त ३० डिसेम्बरमा नै यो रोगको विषयमा चिनियाँ सरकारलाई थाहा भइसकेको थियो । तर, यो कसरी फैलिन्छ भन्नेमा उनीहरू नै अलमलमा थिए । त्यसैले सरकारीस्तरबाट कुनै औपचारिक जानकारी आएको थिएन । अचानक २० जनवरीमा युनिभर्सिटीबाट इमेल आयो, ‘कोरोना भाइरस मान्छेबाट मान्छेमा फैलिन थालेको छ । सहरमा संक्रमण फैलिसकेको छ, त्यसैले सतर्क रहनु, बाहिर जाँदा मास्क लगाएर मात्र निस्किनु ।’ यस्तो इमेल आएपछि हामी सतर्क भयौँ, तर त्यस्तो डरलाग्दो केही हो भन्ने सोचका थिएनौँ ।
दुई दिनपछि ठूलो खबर आयो– कोरोना भाइरसबाट ११ जनाको मृत्यु भयो, चार–पाँच सयजनामा संक्रमण भेटिएको छ । धमाधम सार्वजनिक यातायात बन्द हुन थाल्यो । पसलहरू पनि बन्द हुन थाले । २३ जनवरी (बिहीबार) दिउँसो १० बजेदेखि औपचारिक रूपमा सरकारले वुहान सहरलाई ‘लक्ड–डाउन’ गर्यो । सहरभित्र पस्न र सहरबाट बाहिर निस्कन पूर्ण रूपमा निषेध गरियो ।
संक्रमण र मृत्युका अपडेटहरू लगातार आइरहे । शनिबार बेलुकीसम्म त ४१ जनाको मृत्यु भएको घोषणा भएको छ । तीमध्ये ३८ जना त वुहान सहरका हुन् । अहिले १२ सयभन्दा बढी संक्रमित भएको औपचारिक जानकारी आएको छ । संक्रमितका परिवारलाई पनि सरकारले क्वारेन्टाइनमा राखेको छ । अब भोलि के अपडेट आउने हो भनेर सारा मान्छे त्रसित छन् ।
अहिले चिनियाँ नयाँ वर्ष भएकाले सबै विश्वविद्यालय बन्द छन् । त्यसैले अधिकांश विद्यार्थी घर गइसकेका थिए । विश्वविद्यालय यसै पनि सुनसान थिए । तर, अहिले सहर पनि सुनसान छ । हामी पनि होस्टेलको कोठाभित्र सीमित छौँ । हामीलाई बाहिर जाँदा पनि गेटमै स्वास्थ्य जाँच हुन्छ । बाहिर आउँदा पनि गेटमा फेरि जाँच हुन्छ । शरीरको तापक्रम बढेको जोसुकैलाई पनि तुरुन्तै सरकारी अस्पतालमा लगिन्छ ।
यो सहरमा नेपाली विद्यार्थी सयभन्दा बढी छन् । अहिले हामीले बनाएको वी–च्याट ग्रुपमा ९२ जना विद्यार्थी जोडिएका छन् । शारीरिक रूपमा हामी सबै नेपाली विद्यार्थी ठीकै छौँ, तर मानसिक रूपमा धेरै कमजोर भएका छौँ । हाछ्युँ लाग्दा पनि र एक–दुईपटक खोकी लाग्दा पनि के भयो भनेर डराउनुपर्ने अवस्था छ । बजार खुला छैनन्, खुलेका पसलमा पनि जान डर छ । त्यसैले यहाँ बस्न असाध्यै गाह्रो छ । घरमा पनि छिनछिनमा कुरा भइरहेको छ । सबैजना अत्तालिनुभएको छ । यस्तो वेलामा नेपाल सरकारले हामीलाई यहाँबाट उद्धार गरे हुन्थ्यो भन्ने लाग्छ । अमेरिका र फ्रान्सजस्ता देशका सरकारले आफ्ना नागरिकलाई चार्टर्ड फ्लाइटबाट फर्काउने तयारी गर्दै छन् । हाम्रो देशको सरकारले पनि जहाजको व्यवस्था गरोस्, लागेको भाडा हामी आफैँ तिर्छौँ भनेर दूतावासलाई भनेका छौँ । दूतावासले आत्तिनुपर्दैन भनेको छ । तर, हामीलाई नेपाल फर्काउने विषयमा ठोस जवाफ दिएको छैन ।
सामान्य खोकी लाग्दा र हाछ्युँ आउँदा पनि डराउने अवस्था छ : मोहम्मद हरून
हुवाचोङ युनिभर्सिटी अफ साइन्स एन्ड टेक्नोलोजी वुहानमा मास्टर्सका विद्यार्थी
घर : सीतापाइला
३१ डिसेम्बरमा चिनियाँ साथीले मलाई वी–च्याटमा म्यासेज गरेको थियो । एकैपटक १६ जनालाई निमोनिया लागेको छ, यो फैलिन सक्छ, सी फुड नखानू भन्ने सन्देश थियो । हुन त वी–च्याटमा यस्ता म्यासेज आइरहेका हुन्छन् । धेरैजसो चाइनिज भाषामा हुन्छन्, त्यसैले हामीले बुझ्दैनौँ र ध्यान दिन सक्दैनौँ । त्यो म्यासेजलाई पनि हामीले खास गम्भीरतापूर्वक लिएनौँ । अरूले पनि त्यो विषयमा धेरै चासो गरेनन् । २१ जनवरीमा एक्कासि डरलाग्दो समाचार आयो । कोरोना भाइरसको संक्रमणले ११ जनाको मृत्यु भयो, अरू चार–पाँच सय संक्रमित भएका छन् भन्ने खबर आयो । कोरोना भाइरस मान्छेबाट मान्छेमा सर्छ भन्ने थाहा पाएपछि मान्छेहरू आत्तिन थाले ।
खासमा यो भाइरस हाम्रै युनिभर्सिटीबाट फैलिएको रहेछ । एकजना बिरामी थिए, जसलाई न्युरोको सर्जरी गरिएको थियो । उनी कोरोना भाइरसबाट संक्रमित छन् भन्ने अस्पतालले संकेत पनि पाएको थिएन । तर, उनको सर्जरीमा सहभागी ११ नर्स र एकजना डाक्टरलाई भाइरस सरेछ । यो खबरले सबैलाई गम्भीर बनायो ।
२३ तारिख अर्थात् गत बिहीबारदेखि त सरकारले सहर नै बन्द गर्यो । सहरबाहिर मात्र होइन, सहरभित्रै ओहोरदोहोर गर्न पनि गाह्रो भएको छ । फाट्टफुट्ट खुलेका पसलमा गएर सामान किन्न पनि डर छ । हामीले केही तरकारी किनेर ल्याएका थियौँ, साथीहरू आलुका दाना गनेर बसिरहेका छन् । हाम्रो विश्वविद्यालयमा करिब १५ सय विदेशी विद्यार्थी होलान् । तर, चिनियाँ नयाँ वर्षको सन्दर्भमा एक महिना बिदा छ । त्यसैले आधाजति विद्यार्थी आ–आफ्नो घर गएका छन् । हामी नेपाली २५ जनामध्ये १० जनाजति घर गएका छन् । यहाँ भएका साथीहरू पनि तनावमा छौँ । हामी स्वस्थ छौँ, तर डराएका छौँ । केही गरी अस्पताल जानुपर्यो भने पनि झन् सर्ला भन्ने डर छ । सामान्य खोकी लाग्यो भने पनि कोरोना भाइरस हो कि भनेर शंका लाग्ने अवस्था आएको छ ।
चीनका विभिन्न सहर घुम्छौँ भनेर गएका चारजना साथीहरू इयु भन्ने सहरमा अड्किएका छन् । उनीहरू घुमेर युनिभर्सिटी फर्किने दिन नै वुहान सहर ‘लक्ड–डाउन’ भयो । अहिले उनीहरू सहरबाहिरै छन् । पैसा पनि सकियो, के गर्ने भनेर अलमलमा परेका छन् ।
अहिले वुहानमा भएका नेपाली विद्यार्थी वी–च्याट ग्रुपमा छन् । नेपाली दूतावासको तर्फबाट भन्दै कसैले एउटा फर्म सेयर गरेको छ । त्यो फर्म हामीले भरेर पठाएका छौँ । हामीलाई यो सहरबाट बाहिर निकाल्ने प्रयास गर्नुहोस् भनेर हामीले दूतावासलाई अनुरोध गरेका छौँ । सरकारले जहाजको व्यवस्था गरिदिने हो भने हामी आफै टिकट काटेर नेपाल जान्थ्यौँ । जसोतसो नेपाल पुग्ने हो भने हामीलाई मात्र होइन, परिवारलाई पनि ढुक्क हुन्थ्यो । तर, दूतावासको तर्फबाट भरपर्दो जानकारी पाएका छैनौँ ।
बाहिर निस्कनै डर छ : सन्दीप उप्रेती
वुहान युनिभर्सिटी अफ टेक्नोलोजी
घर इटहरी हो, अहिले वुहान युनिभर्सिटी अफ टेक्नोलोजीमा सिभिल इन्जिनियरिङमा मास्टर्स गर्दै छु । यो युनिभर्सिटीमा १५ जना नेपाली छौँ । बिदाका कारण ६ जना मात्रै होस्टेलमा छौँ । एकजना स्विट्जरल्यान्ड गएका छन्, अर्को अस्ट्रेलिया, बाँकी नेपाल गएका छन् ।
अहिलेसम्म हामी सुरक्षित नै छौँ । डर र त्रासचाहिँ छ । बाहिर खासै निस्किएका छैनौँ । कोठामै बसिरहेका छौँ । ‘स्प्रिङ फेस्टिभल’को समय भएकाले अलि धेरै सामान किनेका थियौँ, त्यसैले बाहिर निस्कने बाध्यता छैन । बाहिर निस्कन डर पनि छ । युनिभर्सिटीका तर्फबाट लगातार म्यासेज आइरहेका छन् । त्यहीबाट हामी अपडेट भइरहेका छौँ । सार्वजनिक यातायात बन्द छ, त्यसैले नेपालीबीच पनि प्रत्यक्ष भेट्न अहिले सम्भव छैन । वी–च्याट ग्रुपमा कुरा भइरहेको छ । नेपाल सरकारले हाम्रोबारे केही सोचोस् भन्ने अपेक्षा छ । अमेरिकाले आइतबारदेखि आफ्ना नागरिक लग्दै छ । हाम्रो सरकारको त्यति क्षमता नहोला, तर केही न केही त गर्ला भन्ने आशा छ ।
घुम्न निस्केका थियौँ, बीचमै फसेका छौँ : समिन वैद्य
हुवाचोङ युनिभर्सिटी अफ साइन्स एन्ड टेक्नोलोजी, वुहान
मेरो घर कैलालीको टीकापुर हो । इलेक्ट्रोनिक इन्जिनियरिङ पढ्दै छु । फर्स्ट सेमेस्टर सकियो, यही वेला चिनियाँ नयाँ वर्षको बिदा पनि थियो । त्यसैले चारजनाको समूह बनाएर घुम्न निस्किएका थियौँ ।
नानजिङ, सांघाई, हाङचोउ, इयु घुमेर वुहान फर्किने तयारीमा थियौँ । हाम्रो लास्ट स्टप इयुमा थियो । एक रात त्यहाँ बसेर अस्ति बिहीबार वुहान फर्किने टिकट थियो । हाम्रो रेलको टिकट साँझको थियो, तर त्यही दिन बिहान १० बजेदेखि वुहान सहर ‘लक्ड–डाउन’ भयो । हामी बीचमै अड्किएका छौँ ।
एक दिन भनेर होटेल बुक गरेका थियौँ, तर दोस्रो–तेस्रो दिन बसेपछि होटलवालालाई शंका लागेछ । तिमीहरू कहाँबाट आएका हौ भनेर सोध्यो, हामी वुहानका विद्यार्थी हौँ भनेपछि उनीहरू सतर्क भएका छन् । धन्न अहिलेसम्म बस्न दिएका छन् । तर, हामीले व्यवस्था गरेको पैसा सकिन थालेको छ । अझै कति दिन बस्नुपर्ने हो भन्ने ठेगान छैन । वुहान तुरुन्तै सामान्य अवस्थामा फर्किने सम्भावना कम छ । यो सहरभित्रै जान कहिले पाइने हो थाहा छैन, जान पाए पनि डर छ । युनिभर्सिटीका साथीहरू पनि भन्नुहुन्छ, ‘तिमीहरू भाग्यमानी रहेछौ, बाहिरै छौ । उतैबाट नेपाल जाऊ ।’ हामीले पनि त्यही विचार गरेका छौँ, तर टिकट पाएका छैनौँ । टिकट पाए पनि महँगो छ । तर, जसोतसो गरेर नेपाल फर्कने तयारीमा छौँ । नयाँ पत्रिकामा खबर छ ।
कास्की प्रहरीले राष्ट्रिय स्वतन्त्र पार्टी (रास्वपा) सभापति रवि लामिछानेसहित थप १८ जनाविरुद्ध अनुसन्धान सुरु गरेको छ । पोखराको सूर्यदर्शन बचत तथा ऋण सहकारी ठगी प्रकरणमा ...
अस्पतालले मृत घोषणा गरी १५ घण्टासम्म शवगृहमा राखेर अन्तिम दाहसंस्कारका लागि घाट लैजान लागेका एक व्यक्ति जिवितै रहेको पाइएको छ। विराटनगरस्थित मेट्रो न्युरो अस्पतालले मृत्यु प्रमाणपत्रसमेत बनाएर १५ घण्टासम्म शवगृहमा...
जापानी बिदेशमन्त्री कामिकाबा योको झन्डै आठ घण्टाको नेपाल भ्रमण गरी स्वदेश फर्किएकी छन् । विमान चार्टर गरी नेपाल आएको मन्त्री योकोले स्वदेश फिर्दा भने नेपालको राष्ट्रिय ध्वजाबाहक नेपाल वायुसेवा निगमको नियमित उडान प्...
त्रिभुवन अन्तर्राष्ट्रिय विमानस्थलका प्रहरी प्रमुख प्रहरी नायब महानिरीक्षक (डिआइजी) अर्जुन चन्दले राजीनामा दिएको चर्चा झन्डै एक साता चल्यो तर प्रहरी प्रधान कार्यालयले चन्दको राजीनामा नभई सोमबार १० दिनको बिदा स्वीकृत ग...
सहरी विकास मन्त्रालयले निर्माणाधीन धरहराको बेसमेन्टमा सवारीसाधन पार्किङ मानवीय स्वास्थ्यका दृष्टिले जोखिमपूर्ण हुन सक्ने भन्दै सचेत गराएको छ । मन्त्रालयले त्यहाँ आवश्यक प्राविधिक तयारी ...
बुटवल, १५ फागुन- भैरहवास्थित गौतम बुद्ध अन्तर्राष्ट्रिय विमानस्थलमा ३५ जना चिनियाँसहित २ सय मजदुर काम गरिरहेका छन् । केही निर्माण उपकरण र मेसिनरी यन्त्र थपिएका छन् । द्रुतगतिमा कच्चा पदार्थ संकलन भएको छ । च...
नेपालको निजामती सेवा (समग्र प्रशासन) कम व्यावसायिक भएको आरोप लाग्दै आएको छ । कर्मचारीहरूमा बुझाइको स्तर सतही देखिन थालेको छ । सकारात्मक सोच पनि खस्किएको छ । प्रस्तुतिमा आत्मविश्वास होइन, हीनभावना देखिन थालेको ...
निरन्तर १८ वर्ष लामो कन्जरभेटिभ पार्टीको सरकारलाई विस्थापित गर्दै लेबर पार्टीका नेता टोनी ब्लेयर सन् १९९७ को मे २ मा बेलायतको प्रधानमन्त्री बन्न सफल भएका थिए । लेबर पार्टीका नेता जोन स्मिथको निधनपश्चात पार्टीको ...
जनता समाजवादी पार्टीमा आएको विभाजन पहिलो पनि होइन र अन्तिम पनि होइन । राजनीतिक दलमा आएको विभाजनको लामो शृङ्खला हेर्ने हो भने पनि यो न पहिलो हो, न अन्तिम । दुःखद् कुरा के भने राजनीतिक दल विभाजनको नयाँ कोर्...