कात्तिक २०, २०८०
इंग्ल्यान्ड राष्ट्रिय फूटबल टोलीले ब्राजिललाई आफ्नो घरेलु मैदान वेम्बलीमा खेल्न निम्तो गरेको छ । यो खेल आगामी वर्षको मार्च २३ मा हुने ईएसपीएन एफसीले जनाएको छ । यसअघि यी दुई टोलीबीच सन् २०१७ मा लण्डनस्...
काठमाडाैं | बैशाख १५, २०८१
टी–२० क्रिकेटमा दबदबा र सनसनी मच्चाउँदै आएको टेस्ट टोली वेस्ट इन्डिजको ‘ए’ टीमविरुद्ध घरेलु टोली नेपालले शनिवार सनसनीपूर्ण जीत दर्ता गरेको छ । टी–२० विश्वकपअघि ५ खेलको श्रृंखलाका लागि नेपाल आएको वेस्ट इन्डिज ‘ए’माथि नेपालले शानदार ४ विकेटको जीत हासिल गरेको हो । कुनै समय असम्भव जस्तो देखिएको २०५ रनको लक्ष्य पछ्याएको नेपाल २ बल बाँकी छँदै अन्ततः जीतसम्म पुग्न सफल भयो ।
विश्वकप, आईपीएलसहितका विश्वका उत्कृष्ट कप, लिग, टेस्ट र वान डेका महत्वपूर्ण प्रतियोगिता र खेल खेलिसकेका सहभागी टोलीलाई नेपालले पराजित गरेको हो । बलियो टोलीविरुद्ध जीत निकाल्दा कप्तान रोहित पौडेलले सनसनीपूर्ण शतक मात्रै प्रहार गरेनन् । टीमलाई जीत दिलाउन एकल नायकको भूमिकासमेत पूरा गरे । अन्ततः टस जितेर पहिले फिल्डिङ रोज्दै रोहितले गरेको अलराउन्ड प्रदर्शनमा महत्वपूर्ण जीत दर्ता गर्न नेपाल सफल भयो ।
कुनै समय १० ओभरमा ८२ रन बनाए पनि कप्तान रोहितको सुझबुझपूर्ण ब्याटिङ र शतकका मद्दतमा नेपालको जीत सम्भव भएको हो । ४७ बलमा ५ छक्का र १० चौकाको मद्दतमा शतक प्रहार गरेका रोहितले थप १२ रन बनाए । त्यस क्रममा एउटा छक्का पनि थपेका थिए । रोहितले ५४ बलमा ११२ रनको महत्वपूर्ण इनिङ्स खेल्दा नेपालको जीतको आधार बनेको हो ।
उनी १८.५ ओभरमा आउट हुँदा नेपाल १९२ रन जोड्दा ६ विकेट गुमाएको स्थितिमा थियो । रोहितलगत्तै आएका प्रतिश जीसीले १९ औं ओभरको अन्तिम बलमा चौका प्रहार गरेपछि नेपाल जीतसम्म पुग्ने स्थिति देखियो । किनकि ४ विकेट पनि बाँकी र ६ बलमा ९ रन बनाउन कठिन थिएन ।
२० ओभरको पहिलो बलमा गुल्सन झाले १ रन लिए । दोस्रो बलमा प्रतिशतले पनि १ रन लिएर गुल्सनलाई स्ट्राइक दिए । त्यसपछि तेस्रो र चौथो बलमा गुल्सनले लगातार २ चौका हानेपछि नेपालले बलियो टोलीविरुद्ध सनसनीपूर्ण जीत हासिल गरेको हो । १६, १७ र १९ औं ओभर प्रत्येकमा १५ माथिको रन बनाएपछि नेपालले असम्भव देखिँदै गएको खेललाई आफ्नो नियन्त्रणमा ल्याउँदै जीतसम्म पुगेको हो । १६ औ ओभरमा १७, १७ औं ओभरमा १९ र १९ औं ओभरमा १५ रन बनेपछि नेपाललाई जीतसम्म पुग्न कठिन भएन । यी ३ ओभरमा रोहित एक्लैले ३७ रन एक्लै जोेडेका थिए ।
ब्याटिङमा मात्रै होइन नेपालको लागि बलिङ र फिल्डिङमा समेत रोहितले उत्कृष्ट भूमिका निभाए । २६ बलमा ४७ रन बनाएका अलिक अथान्जलाई रोहितले नै ललित राजवंशीबाट क्याचआउट गराएका थिए । त्यस्तै, ५ बलमा १३ रन बनाए आन्द्रे फ्लेचरलाई रोहित र अनिल साह मिलेर रनआउट गरे ।
नेपालका लागि दीपेन्द्रसिंह ऐरीले २४, कुशल भुर्तेल र कुशल मल्लले १६-१६ रन बनाए । यस्तै कमलसिंह ऐरी, रोहित पौडेल, दीपेन्द्र र अविनाश बोहराले समान १–१ विकेट लिए । अन्तिम ओभरमा दीपेन्द्रले ४ रनमात्रै दिएर १ विकेट लिएपछि वेस्ट इन्डिज ठूलो स्कोर बनाउनबाट चुकेको थियो । अविनाशले ४ ओभरमा २८ रन दिएर एक विकेट लिएर किफायती बलिङ गरे ।
पावर प्लेको ६ ओभरमा वेस्ट इन्डिज ७७-२ को बलियो स्थितिमा थियो । तर त्यसपछि भने नेपाली बलर विस्तारै खेलमा फर्किन पुगे । नेपालसँग पराजित भएपछि वेस्ट इन्डिजका कप्तान रोस्टन चेजले नेपाली कप्तान रोहितको खुलेर प्रशंसा गरे । चेजले नेपालविरुद्ध सबैभन्दा बढी ७४ रनको योगदान दिए ।
खेल जितेपछि रोहित आफैंले पनि ‘टुडे वाज माइ डे’ भनेका थिए ।
प्लेयर अफ द म्याच कप्तान रोहितले जित्दा ‘सट अफ द डे’ लगातार २ चौका प्रहार गरेर खेल जिताउने गुल्सन झाले पाए । नेपालले वेस्ट इन्डिज ‘ए’विरुद्धको दोस्रो खेल आइतवार कीर्तिपुरको मैदानमै खेल्नेछ ।
इंग्ल्यान्ड राष्ट्रिय फूटबल टोलीले ब्राजिललाई आफ्नो घरेलु मैदान वेम्बलीमा खेल्न निम्तो गरेको छ । यो खेल आगामी वर्षको मार्च २३ मा हुने ईएसपीएन एफसीले जनाएको छ । यसअघि यी दुई टोलीबीच सन् २०१७ मा लण्डनस्...
कम उमेरमै विश्व क्रिकेटमा प्रभाव छोडेका नेपालका लेग स्पीनर सन्दीप लामिछाने अर्को दुर्लभ विश्व कीर्तिमान निकट पुगेका छन् । यस अघि गत वैशाखमा कीर्तिपुरमा ओमानविरुद्ध एकदिवसीयमा सबैभन्दा छिटो ४२ खेलमा एक सय विक...
अष्ट्रेलियाले छैटौँ पटक आईसीसी एक दिवसीय विश्वकप क्रिकेटको उपाधि जितेको छ । आइतबार घरेलु टोली भारतलाई ६ विकेटले पराजित गर्दै अष्ट्रेलियाले उपाधिमाथि कब्जा जमाएको हो । हमादाबादस्थित नरेन्द्र मोदी स्टे...
यूएईलाई ८ विकेटले पराजित गरेर नेपाल सन् २०२४ मा अमेरिका र वेस्ट इन्डिजमा हुने टी–ट्वान्टी विश्वकपमा छनोट हुँदै गर्दा एउटा दृश्यले सबैको ध्यान तान्यो । सामाजिक सञ्जालदेखि अन्तर्राष्ट्रिय स्तरसम्म चर्चा...
चितवनको भरतपुरस्थित गौतमबुद्ध अन्तर्राष्ट्रिय क्रिकेट रंगशाला बागमती प्रदेश सरकार र भरतपुर महानगरपालिकाले मिलेर बनाउने सहमति गरेका छन् । प्रदेशको ७० प्रतिशत र महानगरको ३० प्रतिशत लगानीमा बनाउने सहमति भएको हो ।...
एकदिवसीय विश्वकपमा वर्षाले खेल रोकेपछि पाकिस्तानलाई फाइदा भएको । पाकिस्तानले डीएलएस मेथडमा न्युजिल्यान्डलाई २१ रनले पराजित गरेको हो । न्युजिल्यान्डले दिएको ४०२ रनको विशाल लक्ष्य पछ्याउने क्रममा पाकिस्तानले २५....
नेपालको निजामती सेवा (समग्र प्रशासन) कम व्यावसायिक भएको आरोप लाग्दै आएको छ । कर्मचारीहरूमा बुझाइको स्तर सतही देखिन थालेको छ । सकारात्मक सोच पनि खस्किएको छ । प्रस्तुतिमा आत्मविश्वास होइन, हीनभावना देखिन थालेको ...
निरन्तर १८ वर्ष लामो कन्जरभेटिभ पार्टीको सरकारलाई विस्थापित गर्दै लेबर पार्टीका नेता टोनी ब्लेयर सन् १९९७ को मे २ मा बेलायतको प्रधानमन्त्री बन्न सफल भएका थिए । लेबर पार्टीका नेता जोन स्मिथको निधनपश्चात पार्टीको ...
जनता समाजवादी पार्टीमा आएको विभाजन पहिलो पनि होइन र अन्तिम पनि होइन । राजनीतिक दलमा आएको विभाजनको लामो शृङ्खला हेर्ने हो भने पनि यो न पहिलो हो, न अन्तिम । दुःखद् कुरा के भने राजनीतिक दल विभाजनको नयाँ कोर्...