गौरीघाटस्थित टेन्ट पण्डाल राखिएको टहरामा आगलागी

काठमाडौंको गौरीघाटमा आगलागी भएको छ । काठमाडौं महानगरपालिका-७ गौरीघाटस्थित टेन्ट पण्डाल राखिएको एक टहरामा बुधबार बिहानै आगलागी भएको प्रहरी वृत्त गौशालाले जनाएको छ । ४ वटा दमकल प्रयोग गरी आगो निभाइएको हो। 

प्रहरीका अनुसार बिहान ४ बजेतिर लागेको आगो ६ बजेपछि नियन्त्रणमा आएको हो । आगलागीबाट टहरा नजिक रहेका १/२ वटा घरमा पनि सामान्य क्षति पुगेको प्रहरीले जनाएको छ । आगलागीबाट कुनै मानवीय क्षति भने भएको छैन । भौतिक क्षतिको विवरण संकलन गर्ने काम भइरहेको प्रहरीले जनाएको छ । 

आगलागीको कारण खुलिसकेको छैन ।