मंसिर १६, २०८०
नेपाली कांग्रेसका केन्द्रीय सदस्य तथा सांसद डा. चन्द्र भण्डारीले पार्टी सभापति शेरबहादुर देउवाले अब नेतृत्व छाड्नुपर्ने बताएका छन् । पार्टीको लुम्बिनी प्रदेश सम्मेलनमा शनिवार बोल्दै भण्डारीले देउवाले अब...
काठमाडौं – लामो समयसम्म गठन हुन नसकेको नेपाल कम्युनिस्ट पार्टी (नेकपा) पोलिटब्यूरोमा अझै सहमति जुट्न सकेको छैन ।
पोलिटब्यूरो गठनमा पूर्व एमालेबाट सदस्यहरू छान्न कुनै कठिनाइ नभएपनि पूर्व माओवादी तर्फबाट भने अध्यक्ष पुष्पकमल दाहाल ‘प्रचण्ड’लाई ‘पापड बेल्नु’ परिरहेको छ ।
गत जेठ ३ गते मदनआश्रित स्मृति दिवसका दिन पोलिटब्यूरो गठन गर्ने तयारी थियो तर अन्तिम समयमा अध्यक्ष दाहालले तयारी नपुगेको भन्दै सदस्यको नाम दिन सकेनन् । त्यसयता सचिवालय बैठक पनि बस्न सकेको छैन ।
आइतवार सहमति जुटाउने भन्दै सचिवालय बैठक बस्ने तयारी गरिएको थियो तर सदस्य छान्न अझै कठिनाइ भएपछि प्रचण्डकै आग्रहमा सचिवालय बैठक नबसेको स्रोतले दाबी गर्यो ।
पार्टी विधानको धारा १८ को (घ) को २ मा स्थायी कमिटीसहित केन्द्रीय कमिटीको कुल सदस्य संख्याको बढीमा एकतिहाइ सदस्यको पोलिटब्यूरो गठन गर्न सकिने व्यवस्था छ ।
पूर्व माओवादीभित्र आकांक्षी धेरै भएकाले पोलिटब्यूरो गठन गर्न प्रचण्डलाई सकस परेको हो । १ सय ४७ सदस्य रहने पोलिटब्यूरोमा पूर्व एमालेबाट ८१ र पूर्व माओवादीबाट ६६ जना रहने सहमति भइसकेको छ । स्रोतका अनुसार पूर्व एमालेमा खासै ठूलो विवाद नरहेको भएपनि पूर्व माओवादीमा २ दर्जन नाम विवादमा परेका छन् ।
पूर्व माओवादीले पाउने ६६ पोलिटब्यूरो सदस्यमध्ये १९ जना स्थायी कमिटीमा रहेका स्वतः पोलिटब्यूरोमा रहने व्यवस्था छ । बाँकी सम्भावित ४७ जनाको नाम यसअघि सार्वजनिक भएको थियो ।
सार्वजनिक भएका नाममा हितमान शाक्य, कुलप्रसाद केसी, जयपुरी घर्ती, दिनानाथ शर्मा, हितराज पाण्डे, विश्वनाथ साह, डिलाराम आचार्य, उर्मिला अर्याल, ओनसरी घर्ती, प्रभू साह, प्रह्लाद बुढाथोकी, सुनिल मानन्धर, सुरेन्द्र कार्की, जोखबहादुर महरा, नारायण दाहाल, सन्तुदराई, गणेशमान पुन, हितबहादुर तामाङ, जगप्रसाद शर्मा, कालीबहादुर मल्ल, कमला रोक्का, झक्कु सुवेदी, हरिराज अधिकारी, सुरेशकुमार राई, शशी श्रेष्ठ, डिआर पौडेल, रेखाशर्मा, पूर्णकुमारी सुवेदी, टेकबहादुर बस्नेत, खगराज भट्ट, महेश्वर गहतराज, अन्जना विशंखे, राजु खड्का, कृष्णध्वज खड्का, श्रवण यादव, मायाप्रसाद शर्मा, यशोदा सुवेदी, अमृता थापा, सूर्यप्रसाद सुवेदी, सावित्रीकुमार काफ्ले, महेश्वर दाहाल, रामचन्द्र झा, दिलीप प्रजापति, श्रीराम ढकाल, महेन्द्र पासवान, अजम्बर काङवाङ र सुरेश आले मगर छन् ।
पार्टीले आधिकारिक रूपमा निर्णय गर्नुअघि नै ४७ जनाको नाम सार्वजनिक भएपछि असन्तुष्टि जनाउनेको संख्या बढेको छ । छनोटमा नपरेका १३ जनाहरूले निरन्तर अध्यक्ष प्रचण्डलाई भेटेर असन्तुष्टि जनाउन थालेपछि प्रचण्ड माथि उल्लेख गरेका नाम पुनः सच्याउन तयार देखिएका छन् । स्रोतका अनुसार सार्वजनिक भएकामध्ये आधा दर्जन जति नाम काट्ने र असन्तुष्ट मध्येबाट राख्ने सोचाइमा प्रचण्ड पुगेका छन् तर यतिले मात्र विवाद समाधान हुने देखिन्न ।
सार्वजनिक भएका माथिका नाममा नारायण शर्मा पौडेल, तिलक परियार, टंक आङबुहाङ, गंगा कार्की, पुष्पविक्रम मल्ल, रामकुमार शर्मा, कुमार पौडेल, मुक्ति प्रधान, वामदेव क्षेत्री, कमल चौलागाई, लेखनाथ न्यौपाने, इन्द्र आङ्बो, लक्ष्मण पन्तलगायत छनोटमा परेका छैनन् । यिनीहरूले पोलिटब्यूरोमा नपरेको भन्दै असन्तुष्टि जनाइरहेका छन् ।
प्रचण्डले पोलिटब्यूरोका लागि यसअघि २ पटक नाम लेख्ने र मेट्ने गरिसकेका छन् । जेठ ३ गते पोलिटब्यूरो घोषणा गर्ने अन्तिम तयारीपछि चलेको छलफलमा प्रचण्डले सार्वजनिक भएका नाम पुनः १ पटक हेरे र तयारी नपुगेको भन्दै पोलिटब्यूरो घोषणालाई स्थगित गरिदिए ।
पूर्व माओवादीमा तत्कालीन ९९ सदस्यीय सचिवालयबाट ६६ जना छनोट गर्दा पनि ३३ जना नेता पोलिटब्यूरोबाट ‘आउट’ हुने भएपछि असन्तुष्टिको चाङ बढेको छ । आफूले तयार गरेको सूची पटक–पटक विवादमा परेपछि प्रचण्डले अन्तिम सूची तयार नपारिएको भन्दै आकांक्षीलाई थामथुम पार्ने प्रयास गरेका छन् ।
पूर्व एमालेमा भने पहिलाको पोलिटब्यूरोमा रहेका स्वतः अहिले पनि पोलिटब्यूरोमै पर्ने भएपछि विवाद खासै देखिएको छैन । ५९ जना विवादरहित ढंगबाट पोलिटब्यूरोमा परिसकेका छन् भने थप २२ जनामध्ये केदार न्यौपाने, कृष्णगोपाल श्रेष्ठ, घनेन्द्र बस्नेत, देवराज घिमिरे, खगराज अधिकारी, धर्मनाथ साह, गुरु बराल, नरेश खरेल, भानुभक्त जैशी, विजय सुब्बा, शेरबहादुर तामाङ, वैजनाथ चौधरी, केशवलाल श्रेष्ठ, शुशीला नेपाल, जयन्ती राई, कल्याणी खड्का, गरिमा शाह, चुडामणी जंगली, नजिर मियाँ, जीवनराम श्रेष्ठ, रामचन्द्र यादव, गौरी ओली रहेका छन् ।
उल्लेखित सूचीमा नपरेका राजेन्द्र राई र ठाकुर गैरे थप आकांक्षी देखिएका छन् । सूचीमा परेका विजय सुब्बा र गौरी ओलीलाई हटाएर राई र गैरेलाई राख्ने विषयमा छलफल चलिरहेको स्रोतले बताएको छ ।
नेपाली कांग्रेसका केन्द्रीय सदस्य तथा सांसद डा. चन्द्र भण्डारीले पार्टी सभापति शेरबहादुर देउवाले अब नेतृत्व छाड्नुपर्ने बताएका छन् । पार्टीको लुम्बिनी प्रदेश सम्मेलनमा शनिवार बोल्दै भण्डारीले देउवाले अब...
मोहन वैद्यले नेतृत्व गरेको नेकपा (माओवादी क्रान्तिकारी)ले गरेको लालमार्च तथा सभामा कुर्सी हानाहान भएको छ । क्रान्तिकारीले १३१ औं माओ दिवसका अवसरमा काठमाडौंको शान्ति वाटिकामा गरेको मार्चपासमा कुर्सी हानाहान...
‘यो कस्तो तरिका हो के रोडमा हिँड्न पनि नपाउने ? म बौद्ध जाने बस कुरेर बसेकी हुँ के । तपाईंहरू किन ममाथि आवश्यकताभन्दा बढी निगरानी गरिरहनु भएको छ,’ मेडिकल व्यवसायी दुर्गा प्रसाईंका कार्यकर्ता...
जसपाबाट उपराष्ट्रपतिमा रामसहाय यादवको उम्मेदवारी कायम भएको छ। सत्ता गठबनधनको तर्फबाट उपराष्ट्रपतिको उम्मेदवार बनाइएका जसपा नेता रामसहाय प्रसाद यादवको उम्मेदवारी निर्वाचन आयोगले कायमै राख्ने ...
नेकपा (एकीकृत समाजवादी)का अध्यक्ष माधवकुमार नेपालले कोशी प्रदेशमा सर्वदलीय सरकारको आवश्यकता रहेको बताएका छन् । विराटनगर विमानस्थलमा शनिवार सञ्चारकर्मीहरूसँग कुराकानी गर्दै पूर्वप्रधानमन्त्रीसमेत रहेका न...
नेपाली कांग्रेसका केन्द्रीय सदस्य डा. चन्द्र भण्डारीले समस्त कांग्रेसजन र नेपाली जनताले डा. शेखर कोइरालालाई एक पटक कांग्रेस सभापति भएको हेर्न चाहेको बताएका छन् । कोइराला वर्तमान र भविष्य हेर्न सक्ने नेता भएको उ...
नेपालको निजामती सेवा (समग्र प्रशासन) कम व्यावसायिक भएको आरोप लाग्दै आएको छ । कर्मचारीहरूमा बुझाइको स्तर सतही देखिन थालेको छ । सकारात्मक सोच पनि खस्किएको छ । प्रस्तुतिमा आत्मविश्वास होइन, हीनभावना देखिन थालेको ...
निरन्तर १८ वर्ष लामो कन्जरभेटिभ पार्टीको सरकारलाई विस्थापित गर्दै लेबर पार्टीका नेता टोनी ब्लेयर सन् १९९७ को मे २ मा बेलायतको प्रधानमन्त्री बन्न सफल भएका थिए । लेबर पार्टीका नेता जोन स्मिथको निधनपश्चात पार्टीको ...
जनता समाजवादी पार्टीमा आएको विभाजन पहिलो पनि होइन र अन्तिम पनि होइन । राजनीतिक दलमा आएको विभाजनको लामो शृङ्खला हेर्ने हो भने पनि यो न पहिलो हो, न अन्तिम । दुःखद् कुरा के भने राजनीतिक दल विभाजनको नयाँ कोर्...