कामना सेवा विकास बैंकको निक्षेपमा ४५.८७% तथा कर्जामा ५२.८६% छलाङ

साउन ३०, २०७६

काठमाडौं – कामना सेवा विकास बैंकले समीक्षा अवधिमा व्यवसायमा उल्लेख्य वृद्धि हासिल गर्न सफल भएको छ ।

गत आर्थिक वर्ष २०७४/०७५ मा निक्षेप १५.७५ अर्ब रहेकोमा ४५.८७ प्रतिशतले वृद्धि भई २२.९७ अर्ब रुपैयाँ निक्षेप संकलन गर्न बैंक सफल भएको छ । 


ADVERTISEMENT

कर्जातर्फ सोही अवधिमा १३.२० अर्ब रहेकोमा ५२.८६ प्रतिशतले वृद्धि गरी २०.१८ अर्ब रुपैयाँ लगानी गरेको छ । २.५४ अर्ब रुपैयाँ चुक्ता पूँजी भएको बैंकको जगेडा कोषमा ५०.३८ करोड रुपैयाँ रहेको छ ।

बैंकको खुद ब्याज आम्दानी १७.६९ प्रतिशतले वृद्धि भई ८८.७७ करोड रुपैयाँ पुगेको छ भने गत आवमा बैंकको निष्क्रिय कर्जा १.१३ प्रतिशत रहेकोमा हाल ०.९० प्रतिशत कायम गर्न सफल भएको छ । 

आव २०७५/०७६ को असार मसान्तमा बैंकको पूँजीकोष अनुपात १७.०३ प्रतिशत रहेको छ । प्रतिशेयर आम्दानी १३.७० रुपैयाँ, मूल्य आम्दानी अनुपात ११.६८ गुणा, प्रति शेयर नेटवर्थ १३१.०९ रुपैयाँ र तरलता अनुपात २२.७४ प्रतिशत रहेको छ । बैंकले समीक्षा अवधिमा आधार दरलाई ११.५९ प्रतिशतमा सीमित गर्न सफल भएको छ । 

बैंकले आव २०७५/०७६ मा सेवा विस्तारका क्रममा थप ३६ वटा नयाँ शाखा सञ्चालनमा ल्याउन सफल भएको छ । सेवा विस्तारकै क्रममा बैंकले थप २८ वटा एटीएम सञ्चालनमा ल्याउनुका साथै स्मार्ट टेलर, मोबाइल बैैंकिङ, कामना सेवा रेमिट, भिजा कार्डजस्ता नविनतम् सुविधा ग्राहकसामु प्रस्तुत गरेको छ ।

शाखा विस्तारसँगै बैंैंकको सञ्चालन खर्च तथा कर्मचारी खर्चमा वृद्धिका बाबजुद बैंकले आर्थिक वर्ष २०७५/०७६ मा खुद मुनाफा ३२.५४ करोड रुपैयाँ आर्जन गरेको छ । 

साउन ३०, २०७६ मा प्रकाशित

प्रतिक्रिया दिनुहोस