धितोपत्र बजारमा यस साता शेयर कारोबार मापक नेप्से परिसूचक उतार चढावपूर्ण अवस्थामा रह्यो । 

कूल १७७ कम्पनीका १ करोड ११ लाख ६ हजार ३५३ कित्ता शेयर ७ अर्ब ३९ करोड १७ लाख २ हजार ५१० रुपैयाँ मूल्यमा खरिद बिक्री भए ।

बजार असन्तुलित देखिँदा नेप्से ओरालो लागे पनि कारोबार रकममा भने वृद्धि भएको छ । साताको पहिलो दिन नेप्से परिसूचक उकालो लाग्यो । 

उकालोको यात्रामा रहेको नेप्सेले नयाँ यात्रा तय गरेर नेप्से परिसूचक २१.२६ ले बढेर १ हजार ३४६.६४ मा पुग्यो । नेप्सेले उकालो यात्रा तय गर्दा कारोबार रकम भने २ अर्ब रुपैयाँ माथि नाघ्यो । कूल १७५ कम्पनीका ५३ लाख ४६ हजार ५०८ कित्ता शेयर २ अर्ब ७ करोड ७९ लाख ८७ हजार ७९९ मूल्यमा खरिद बिक्री भए । 

सोमवार नेप्से परिसूचक वृद्धि भयो । त्यसदिन नेप्से २.४९ अंकले बढेर १ हजार ३४९.१३ मा पुग्यो । परिसूचकमा सामान्य वृद्धि हुँदा कारोबार रकम भने डेढ अर्ब नाघेको थियो ।

कूल १७७ कम्पनीका ४७ लाख ४८ हजार ८२९ कित्ता शेयर १ अर्ब ६१ करोड १७ लाख १९ हजार २०३ रुपैयाँमा खरिद–बिक्री भए । 

मंगलवार नेप्से परिसूचक १२.०९ विन्दुले घटेर १ हजार ३३७.०४ मा झर्‍यो । नेप्से ओरालो लागे पनि कारोबार रकम भने डेढ अर्बमाथि रहेको छ । कूल १७६ कम्पनीको ४९ लाख ४९ हजार १५ कित्ता शेयर १ अर्ब ५७ करोड १ लाख ६६ हजार १६३ रुपैयाँ मूल्यमा खरिद बिक्री भए । 

बुधवार नेप्सेमा सामान्य वृद्धि भयो । नेप्से ५.३१ अंकले बढेर १ हजार ३४२.३६ मा पुगेको छ । परिसूचक वृद्धि भएपनि कारोबार रकम १ अर्बमै सीमित भएको छ । शनिवार कूल १७७ कम्पनीका ३२ लाख ६० हजार १९८ कित्ता शेयर १ अर्ब ८ करोड २४ लाख ८३ हजार ९०९ रुपैयाँमा खरिद बिक्री भयो । 

बिहीवार भने शेयर बजार पुनः ओरालो लाग्यो । नेप्से ८.६७ विन्दुले घटेर १ हजार ३३३.६९ मा झर्‍यो । कूल १७५ कम्पनीको २८ लाख १ हजार ८०३ कित्ता शेयर १ अर्ब ४ करोड ९३ लाख ४५ हजार ४३६ रुपैयाँ मूल्यमा खरिद बिक्री भए ।