×

NIC ASIA

एसियाली बैंकरहरू काठमाडौंमा, नेपालमा लगानी भित्र्याउन जोड

काठमाडाैं | कात्तिक २३, २०८०

Prabhu Bank
NTC
Premier Steels
Marvel

एसियाली बैंक एसोसियसन (एबीए)को ३९ औं वार्षिक सम्मेलनको अवसरमा १८ एसियाली देशका ६३ बैंकर काठमाडौंमा भेला भएका छन् । नेपाल बैंकर्स एसोसियसन (एनबीए)को संयोजनमा नेपालमा पहिलो पटक आयोजना गरिएको सम्मेलनमा विभिन्न विषयमा छलफल हुँदैछ । 

बिहीवार काठमाडौंमा शुरू सम्मेलनमा एसियाली बैंकको आगामी कार्यदिशा, लगानी, डिजिटल बैंकिङलगायत विभिन्न प्यानलमा छलफल हुँदैछ । एनबीएको सम्मेलनमा सहभागी बैंकरहरूलाई नेपालका अधिकारीले नेपालको जलविद्युत् लगायतका क्षेत्रमा लगानी गर्न आग्रह गरेका छन् । 


Advertisment
RMC TANSEN
IME BANK INNEWS
shivam ISLAND

सम्मेलन उद्घाटन समारोहमा अर्थमन्त्री डा प्रकाशशरण महतले एसियाली बैंकहरूलाई नेपालको जलविद्युतको क्षेत्रमा लगानी गर्न आग्रह गरे । ‘नेपालको जलविद्युत् क्षेत्रमा लगानी गर्नुहोस्, नीति र बजारको विषयमा चिन्ता लिनु पर्दैन,’ उनले भने ।


Advertisment
Rupse Holidays
Nabil box

null 

Vianet communication

कार्यक्रममा नेपाल राष्ट्र बैंकका गर्भनर महाप्रसाद अधिकारीले नेपालको जलविद्युत् क्षेत्र लगानीको लागि प्रचुर सम्भावना रहेको बताए । ‘एसियाली बैंकहरूले नेपालको जलविद्युत् क्षेत्रमा लगानी गर्न सक्ने राम्रो अवसर छ,’ उनले भने । 

गर्भनर अघिकारीले इजरायल–हमास युद्ध तथा लामो समयसम्म रुस–युक्रेन संकटले मूल्य स्थिरता कायम राख्न चुनौती रहेको बताए । ‘ती युद्धका कारण धेरै केन्द्रीय बैंकले मौद्रिक नीतिमार्फत कडाइ गरेको छन् । जसले गर्दा लामो समयसम्म उच्च ब्याजदरको सामना गर्नु परेको छ,’ उनले भने । 

एबीएका अध्यक्ष युगेन ए असेभेदोले एसियाली मुलुकहरू अर्थतन्त्रको उदयीमान राष्ट्र भएको भन्दै लगानीमैत्री वातावरण आवश्यक भएको बताए । ‘नेपालको जलविद्युत्मा लगानी गर्न हामी पनि इच्छुक छौं,’ उनले भने, ‘त्यसका लागि उपयुक्त नीति र लगानीमैत्री वातरणको आवश्यक पर्छ ।’ 

नेपालको अर्थतन्त्र चिन्ता लिनु पर्ने अवस्थामा नरहेको उनले बताए । ‘तपाईंहरू धेरै चिन्ता नलिनुहोस्, अर्थतन्त्रका समस्या बिस्तारै समाधान हुन्छन्, यो सम्मेलनले नेपालमा अन्य क्षेत्रमा पनि लगानी बिस्तार गर्न सहयोग पुग्छ,’ उनले भने ।

null

आयोजक एनबीएका अध्यक्ष सुनिल केसीले सम्मेलनबाट एसियाली बैंकको आगामी कार्यदिशा स्पष्ट हुने बताए । ‘एसियामा बैंकिङ उद्योग आर्थिक प्रगतिलाई अगाडि बढाउन, व्यापार र लगानीलाई सहज बनाउन र वित्तीय समावेशीकरणलाई बढावा दिन यो सम्मेलन फलदायी हुनेछ,’ उनले भने, ‘मोबाइल बैंकिङबाट डिजिटल वालेटहरूमा उपभोक्ता व्यवहारमा परिवर्तन प्राविधिक विकास र नीतिमा परिवर्तनको आवश्यक छ ।’

उनले नेपालमा हाइड्रोसँगै थुप्रै क्षेत्रमा लगानी गर्ने स्थान भएको उल्लेख गरे । पर्यटन, उद्योग, प्रविधि, विकास निर्माण जस्ता आयोजनामा पनि एसियाली बैंकसँग सहकार्य गर्न सकिने अध्यक्ष केसीले बताए । ‘हामी अझै लामो छलफलमा छौं, यो छलफलले एसियाली क्षेत्रमा विकासको नयाँ रोडम्याप तय हुनेछ,’ उनले भने । 

सम्मेलन शुक्रवार सम्म चल्नेछ । 
 

hAMROPATRO BELOW NEWS
TATA Below
जेठ १९, २०८१

माछापुच्छ्रे बैंक लिमिटेडले त्रिभुवन जन माध्यमिक विद्यालयमा खानेपानी पूर्वाधार निर्माण गरी हस्तान्तरण गरेको छ । आफ्नो सामाजिक उत्तरदायित्वअन्तर्गत सुर्खेतको शारदा नगरपालिका वडा नम्बर १५ माल्नेटामा रहेको विद्...

बैशाख २६, २०८१

लक्ष्मी सन्‌राइज बैंकले काठमाडौं उपत्यका भित्रका २ वटा शाखा स्थानान्तरण गरेको छ । काठमाडौं महानगरपालिकाको वडा नम्बर १७, खुसिबु अवस्थित २ शाखामध्ये १ शाखा अब काठमाडौंको नागार्जुन नगरपालिका वड...

पुस ८, २०८०

नेपाल राष्ट्र बैंकले मौद्रिक नीतिको प्रथम त्रैमासिक समीक्षामा उल्लेखित प्रावधानहरू कार्यान्वयन गर्न २० बुँदे सर्कुलर जारी गरेको छ । आइतवार अपराह्न सर्कुलर जारी गर्दै राष्ट्र बैंकले ५० लाखसम्मको आवास कर्जाको भुक्तानी अ...

जेठ ६, २०८१

नेपाल स्टक एक्सचेन्ज (नेप्से) परिसूचक ४५ दशमलव ६९ अङ्कले बढेको छ । नेपाल राष्ट्र बैंकले चालू आर्थिक वर्ष २०८०/८१ को मौद्रिक नीतिको त्रैमासिक समीक्षामार्फत कर्जा प्रवाह विस्तारमा केही लचिलो नीति ल...

मंसिर ४, २०८०

एनएमबि बैंक लिमिटेडले 'प्रिमियम सुपर तलब खाता'मा आकर्षक सुविधा उपलब्ध गराउँदै आएको छ, सोही कारण उक्त खाता एनएमबि बैंकको लोकप्रिय 'प्रोडक्ट'का रूपमा चर्चित छ । निक्षेपमा उच्च ब्याजदर, कर्पोरे...

जेठ ६, २०८१

लक्ष्मी सन्‌राइज बैंकले विराटनगरमा आफ्नो शाखा स्थानान्तरण मार्फत सेवा विस्तार गरेको छ । विराटनगर महानगरपालिका वडा नम्बर ७ स्थित हनुमान दास रोडमा रहेका २ शाखा मध्ये एउटा शाखा ५ किलोमिटर उत्तरत...

मुलुक सुशासनतिर अघि बढेको हो ?

मुलुक सुशासनतिर अघि बढेको हो ?

असार ५, २०८१

जबसम्म भ्रष्टाचार, अनियमितता र बेथिति रहन्छ, तबसम्म मुलुक सुशासनतिर जाँदैन । जबसम्म सुशासन कायम हुँदैन, तबसम्म मुलुक समृद्धितिर अघि बढ्दैन । सारमा भन्नु पर्दा समृद्धि पैसा वा धन सम्पत्ति मात्र होइन । समृद्धि जब हु...

संघीयताकै औचित्यमा प्रश्न उठेका बेला प्रदेशले कस्तो ल्याउनुपर्छ बजेट ?

संघीयताकै औचित्यमा प्रश्न उठेका बेला प्रदेशले कस्तो ल्याउनुपर्छ बजेट ?

जेठ ३२, २०८१

कानूनअनुसार असार १ प्रदेश सरकारले आ–आफ्नो सभामा बजेट प्रस्तुत गर्ने दिन हो । नेपालको संविधान र कानूनले बजेट प्रस्तुत गर्ने समय तोकिदिएको छ । यसरी बजेट प्रस्तुत गर्ने दिन नै तोक्नुका २ कारण छन् । पहिलो, तह...

कहाँ हरायो कांग्रेस महासमितिको निर्णय ?

कहाँ हरायो कांग्रेस महासमितिको निर्णय ?

जेठ ३१, २०८१

अढाइ वर्षअघि नेपाली कांग्रेसको १४औं महाधिवेशन नेतृत्व मात्र चयन गरी ६ महिनाभित्र नीति महाधिवेशन आयोजना गर्ने र आवश्यक निर्णय लिने निष्कर्षमा पुगेको थियो । तत्पश्चात् निकै लामो समय पार्टीभित्र र बाहिर नीति महाधिवे...

x