बुधवार भारतले कडीकडाउका साथ बन्दाबन्दी (लकडाउन) गरेको छ । देशका एक अर्ब ३० करोड मानिसलाई घरैमा बस्न भनिएको छ । 

राजधानी नयाँ दिल्लीका भीडभाड हुने ठाउँमा आएका मानिसलाई प्रहरीले डण्डा हिर्काएर भगाएको छ । कोरोनाभाइरस फैलिन नदिनका लागि अभूतपूर्व उपाय अपनाउँदै कसैलाई पनि घरबाट बाहिर निस्कन दिइएको छैन । 

मंगलवार राति बन्दाबन्दीको घोषणा गर्दै प्रधानमन्त्री नरेन्द्र मोदीले पानी, बिजुली, स्वास्थ्य सेवा, अग्निनियन्त्रण सेवा, खाद्यान्नका पसल लगायतका अत्यावश्यक सेवा मात्र उपलब्ध हुने बताए ।