कांग्रेस पदाधिकारी बैठकको माग : अप्ठ्यारोमा परेकालाई घर पुर्‍याइदिनू

प्रमुख प्रतिपक्षी दल नेपाली कांग्रेसले पैदल हिँडेर गन्तव्यमा पुग्न चाहनेलाई घर पुर्‍याइदिन सरकारसमक्ष माग गरेको छ ।

शनिवार सभापति शेरबहादुर देउवानिवास बुढानिलकण्ठमा बसेको कांग्रेस पदाधिकारी बैठकले सरकारसमक्ष पैदल घर फर्किरहेका नागरिकको पर्याप्त सुरक्षा प्रबन्ध गर्दै घरसम्म पुर्‍याइदिन माग गरेको हो ।

बैठकपछि एक विज्ञप्ति जारी गर्दै कांग्रेस केन्द्रीय पार्टी कार्यालयले यससँगै राहत वितरणमा पक्षपातपूर्ण व्यवहार भएको निष्कर्ष निकालेको छ । 

विज्ञप्तिमा भनिएको छ, ‘सत्तारूढ दलको नेतृत्व रहेका कयौं स्थानीय तहमा राहत वितरणमा पक्षपातपूर्ण व्यवहार भएको प्राप्त विवरण अध्ययनपश्चात् बैठकले राहत वितरण कार्य न्यायोचित, पारदर्शी र ब्यवस्थित बनाउन आग्रह गर्दै स्थानीय तहमा सर्वदलीय अनुगमनको व्यवस्था गर्न माग गरेको छ ।’

हेर्नुहोस् विज्ञप्ति –