पाकिस्तानमा दुर्घटनामा परेको विमानबाट फेला पर्‍यो ३ करोड रुपैयाँ, सुरक्षा व्यवस्थामा प्रश्न

पाकिस्तानको कराचीमा गत साता भएको दुर्घटनामा परेको विमानको भग्नावशेषबाट ३ करोड रुपैयाँ बरामद भएको छ । 

विमानमा ९९ जना थिए र त्यसमा नौ बालबालिका सहित ९७ जनाको मृत्यु भएको थियो । पाकिस्तान इन्टरनेसनल एयरलाइन्सको पीके–८३०३ विमान लाहौरबाट उडेर कराचीमा अवतरण गर्ने क्रममा विमानस्थल नजिक आवासीय क्षेत्रमा दुर्घटनाग्रस्त भएको थियो । दुई यात्रु चाहिँ सौभाग्यवश सुरक्षित रहे । 


Advertisement

विमानको भग्नावशेषबाट अनुसन्धानकर्मी र उद्धार अधिकारीहरूले विभिन्न देशको मुद्रा बरामद गरेको र तिनको मूल्य तीन करोड रुपैयाँ जति भएको एक अधिकारीले जानकारी दिए । यति ठूलो मात्रामा नगद लैजाँदा पनि विमानस्थलको सुरक्षा संयन्त्रले कसरी पत्ता लगाएन भन्ने विषयमा जाँचबुझ गरिँदैछ । यो रकम दुईवटा थैलीमा भेटिएको ती अधिकारीको कथन छ । 

शव र सामानको पहिचान प्रक्रिया चलिरहेको र मृतकको परिवारलाई भौतिक अवशेष सुम्पिन खोजिएको ती अधिकारीले जानकारी दिए । 


Advertisement

अहिलेसम्म ४७ शवको पहिचान भएको र ४३ वटा शव अन्तिम संस्कारका लागि परिवारलाई सुम्पिइएको उनको भनाइ छ । 
 

एजेन्सी
एजेन्सी

लेखकबाट थप...

कमेन्ट गर्नुहोस्