फोटोग्राफीको परिभाषालाई परिवर्तन गर्न सामसङले ग्यालेक्सी एस२० अल्ट्रा  फोन बजारमा सार्वजनिक गरेको छ । 

सामसङको ग्यालेक्सी एस२० अल्ट्रा फोनमा एआइ क्यामराको साथ अभूतपूर्व प्रविधिको संयोजन गरिएको छ ।    

नेपालमा विश्वासिलो कन्ज्युमर इलेक्ट्रोनिक्स तथा स्मार्टफोन ब्राण्ड, सामसङले नेपाली उपभोक्ता समक्ष आफ्नो अभूतपूर्व प्रविधि सहितको सामसङ ग्यालेक्सी एस२० अल्ट्रा  फोन प्रस्तुत गरेको छ । यसमा कम्पनीले नयाँ क्यामरा आर्किटेक्चर एआइलाई समावेश गरेको छ ।

सामसङको एआइमा भएको वृहत् इमेज सेन्सरले उच्चस्तरीय फोटो खिच्ने स्वतन्त्रता प्रदान गर्दछ । यसको साथै यस फोनले सहज एवं राम्रो तरिकाले —व्यक्तिगत संगीतको मनोरञ्जन, भिडियोहरुको जीवन्तता एवं अन— द— गोको अवस्थामा पनि विभिन्न खेलहरुको मज्जा लिन सकिन्छ ।  

'व्यक्तिहरुको जीवनमा परिवर्तन ल्याउनकै लागि सामसङले नयाँ जेनेरेसन डिभाइसहरु प्रस्तुत गर्दै आएको छ । यसैको सिलसिलामा एआइ प्रविधि युक्त क्यामरा प्रस्तुत गरेको छ । ग्यालेक्सी एस२० अल्ट्रा  ले  सहज एवं राम्रो तरिकाबाट  आफ्ना प्रियजनहरुको जीवन्त अनुभवहरुलाई कैद गर्ने क्षमता प्रदान गरेको छ,' सामसङ मोबाइल नेपालका प्रमुख प्रणय रत्न स्थापितले बताए । 

स्मार्टफोनबाट अब फोटो खिच्नु भन्दा बढी, हामी हाम्रो जीवनका पलहरुलाई कैद गरी आत्मकथाका रुपमा प्रस्तुत गर्दछौं, नयाँ स्मार्टफोन किन्नुको प्रमुख कारण पनि यही हो । त्यसैले ग्यालेक्सी एस२० अल्ट्रा  को डिजाइन नयाँ क्यामरा सिस्टमको साथ गरिएको छ जसमा— एआइको साथ अझै राम्रो इमेज सेन्सरको प्रयोग गरिएको छ, जसले गर्दा हरेक क्षणहरुलाई उत्कृष्टताको साथ कैद गर्न सकिन्छ । 

ग्यालेक्सी एस२०मा भएको वृहत इमेज सेन्सरले उच्चतम रिजोलुसनको फोटो खिच्दछ । कुनै पनि फोटोलाई  एडिट, क्रपिङ्ग तथा जुमिङ्ग गर्न थप सहजता प्रदान गर्दछ । यो स्मार्ट फोनमा १०८ मोगापिक्सलको क्यामरा रहेको छ । यसमा भएको अर्को सुविधा भनेको वृहत् सेन्सर हो, यसले धेरै प्रकाश लिने गर्दछ, जसले गर्दा कम उज्यालको अवस्थामा पनि उत्कृष्ट फोटो खिच्न सकिन्छ ।

यसमा भएको सेटप फिचरले क्यामरालाई अधिकतम १०८ मेगा पिक्सलको मोड र १२ मेगापिक्सलको मोडमा तय गर्ने सुविधा प्रदान गर्दछ ।  नोना बाइनिङ प्रविधिको संयोजनले एक सेन्सर लेभलमा नौ पिक्सल राख्न सक्दछ ।

स्यामसङ ग्यालेक्सी एस२० अल्ट्रा  फोन जुन महिनाको २३ तारिखदेखि नेपालका सामसङ ब्राण्ड स्टोरहरुमार्फट विक्री गरिने छ  । यो फोनको नेपाली बजारमा मूल्य रु. १ लाख ५९ हजार ९ सय ९९  रुपैयाँ तय गरिएको छ । यो फोन सेट विभिन्न दुई कलर कस्मिक ब्ल्याक तथा कस्मिक ग्रेमा उपलब्ध हुनेछ ।