माघ ८, २०८०
राष्ट्रिय स्वतन्त्र पार्टीका सभापति रवि लामिछाने र सोही पार्टीका नेता समेत रहेका पूर्व बैंकर अनिल केशरी शाहले 'चेक क्लियरिङ'का सम्बन्धमा गरेको दाबीमा गम्भीर प्रश्न उठेको छ । सहकारी ठगी प्रकरणमा प्रस्टीकर...
कोरोनाभाइरस (कोभिड– १९) संक्रमण फैलिन नदिन बन्दाबन्दी (लकडाउन) शुरू भएको ३ महिना पुग्न लाग्यो ।
चैत ११ गते एक्कासि लकडाउन शुरू भएपछि देशभित्रै रहेकाहरू त शहरी इलाकामा रोकिए नै, विदेशीहरू पनि आफ्नो देश फर्किन पाएनन् ।
यसरी फर्किन नपाउनेमध्ये केही भिसा अवधि बाँकी नै भएका थिए भने केही भिसा अवधि सकिएका थिए ।
यसबीचमा नेपालमा रोकिएका विदेशीहरूसँग ओभर स्टेलगायतका जरिवाना शुल्क नलिनु त स्वाभाविक हो, तर सरकारले भिसा शुल्क पनि मिनाहा गरिदिएको छ । जसबाट झण्डै साढे ३ करोड राजस्व गुमिसकेको छ भने थप १० करोडभन्दा बढी राजस्व गुम्ने अवस्थामा छ ।
अध्यागमन विभागले सन् १६ जुन २०२० अर्थात् २०७७ असार २ गते सूचना जारी गर्दै लकडाउनको अवधिमा नेपालमा बसेका विदेशी नागरिकको भिसा शुल्क, विलम्ब शुल्क र जरिवाना शुल्क नलिने निर्णय गरेको थियो ।
यसबाट भिसा शुल्कको मात्र हिसाब गर्ने हो भने पनि हालसम्म आफ्नो देश फर्किएकाहरूबाट झण्डै साढे ३ करोड राजस्व गुमेको देखिन्छ ।
अध्यागमन विभागका प्रवक्ता तथा निर्देशक रामचन्द्र तिवारीका अनुसार नेपालमा अझै पनि १५ देखि १७ हजार विदेशी नागरिक छन् ।
विलम्ब शुल्क कटाएर औसतमा १५ दिनको हिसाब गर्ने हो भने पनि अब १० करोडभन्दा बढी राजस्व नेपालले गुमाउने देखिन्छ ।
नेपालमा चैत ११ गतेदेखि जेठ ३२ गतेसम्ममा १० हजार ९२४ जना विदेश गएका छन्, त्यसमध्ये विदेशी नागरिकको संख्या ६ हजार ५३४ छ । बाँकी नेपालीहरू हुन् ।
अध्यागमन विभागले पर्यटक भिसा शुल्क १५ दिनको ४५ अमेरिकी डलर लिने गरेको छ । त्योभन्दा बढी समय बस्नेको हकमा प्रतिदिन अतिरिक्त ५ डलर लाग्छ ।
सामान्य अंक गणितमा जेठ ३२ गतेसम्म स्वदेश फिर्ता भएका भएका विदेशीलाई यो समाचार तयार पार्दाको डलरको भाउलाई आधार मानेर हिसाब गर्दा झण्डै साढे ३ करोड गुमेको देखिन्छ । फर्किन बाँकीको हिसाब गर्दा योगफल १० करोड गरी कुल १३ करोडभन्दा बढी घाटा लाग्ने देखिन्छ ।
यता अर्थमन्त्री युवराज खतिवडा भने राज्य सञ्चालनको दैनिक खर्च धान्न पनि मुस्किल परेको बताउँछन् ।
प्रतिनिधि सभा बैठकमा उनले बताएअनुसार राज्य सञ्चालनका लागि मासिक ४० अर्ब खर्च चाहिन्छ, तर हाल मासिक १५ अर्ब मात्र उठिरहेको छ ।
‘लकडाउनका कारण सरकारको खर्च र आम्दानी असन्तुलित स्थितिमा पुगेको छ, आम्दानीभन्दा खर्च बढी भएको छ,’ अर्थमन्त्री खतिवडाले जेठ ३२ गतेको प्रतिनिधि सभा बैठकमा भनेका थिए ।
आन्तरिक करदातालाई कसिरहेको सरकारले राजस्व उठाउन सक्ने क्षेत्रलाई भने उपेक्षा गरेको देखिन्छ । सरकारलाई प्रत्यक्षरूपमा उठ्ने राजस्वको एक हिस्सा भिसा शुल्क पनि हो ।
‘रेसी प्रोकल’का कारण भिसा शुल्क नलिएका हौं : अध्यागमन विभाग
लकडाउनको समयमा अध्यागमनका सबै कार्यलय बन्द भएको समयमा भिसा सकिएका विदेशीसँग नेपालमा अन्तर्राष्ट्रिय उडान सञ्चालन भएको १५ दिनसम्म भिसा शुल्क नलिने अध्यागमन विभागका महानिर्देशक रमेशकुमार केसीले बताए ।
लकडाउन शुरू भएको दिन गत चैत ११ गतेभन्दा अघिल्लो दिनसम्म भिसा सकिएकाहरूलाई भने सबै शुल्क लाग्ने महानिर्देशक केसीको भनाइ छ ।
कोरोनाभाइरसले गर्दा विश्व नै आक्रान्त भएकाले मानवीयताको हिसाबले पनि भिसा शुल्क लगायतका शुल्कहरू मिनाहा गरिएको उनको जिकिर छ ।
नेपाल फेरि आउने गरी मोह कामय रहेको भन्ने स्वार्थ पनि यसमा लुकेको उनको दाबी छ ।
‘हामीले मानवीयताको हिसाबले पनि हेर्नुपर्छ, अर्को कुरा नेपालप्रति विदेशीको मोह कायम रहोस् भन्ने हिसाबले भिसा शुल्क, विलम्ब शुल्क र जरिवाना नलिने निर्णय गरेको हो,’ महानिर्देशक केसीले लोकान्तरसँग भने ।
‘विदेशमा रहेका नेपालीलाई पनि भिसा शुल्क लगायतका कुनैपनि शुल्क लिएका छैनन्, नेपालले पनि ‘रेसी प्रोकल’लाई ध्यानमा राखेर विदेशीसँग यी सबै शुल्क नलिने निर्णय गरेका हौं,’ केसीले थपे ।
कोरोनाले गर्दा देशमा राजस्व उठाउन समस्या परिराखेको समयमा सामान्य बसाइको भिसा शुल्क पनि नलिनुले सरकार नेपाली व्यवसायी र फर्महरूलाई मात्र पेल्न उद्धत रहेको प्रस्ट हुने आलोचकहरूको आरोप छ ।
राष्ट्रिय स्वतन्त्र पार्टीका सभापति रवि लामिछाने र सोही पार्टीका नेता समेत रहेका पूर्व बैंकर अनिल केशरी शाहले 'चेक क्लियरिङ'का सम्बन्धमा गरेको दाबीमा गम्भीर प्रश्न उठेको छ । सहकारी ठगी प्रकरणमा प्रस्टीकर...
नेपाल विद्युत् प्राधिकरणका प्रबन्ध निर्देशक कुलमान घिसिङले विश्व बैंकको लगानी रहेको ढल्केबर सबस्टेसन निर्माणका क्रममा आफ्नो स्वार्थ जोडिएको कम्पनीलाई कानूनविपरीत ठेक्का दिएको पाइएको छ । करिब ४ करोड बराबरको...
काभ्रेपलाञ्चोकको पाँचखाल नगरपालिकाका प्रमुख महेश खरेलले झन्डै १ अर्बको प्रोजेक्टमा नेपाल महिला उद्यमी महासंघसँगको पूर्वसम्झौता उल्लंघन गर्दै आफ्नी जेठीसासू अध्यक्ष रहेको संस्थासँग सम्झौता गरेको पाइएको छ । महिला ...
अर्थमन्त्री वर्षमान पुन 'अनन्त' समेत मुछिएको १३८ किलो सुन तस्करीको फाइल पर्याप्त अनुसन्धानविनै सरकारी वकिलको कार्यालयमा पुगेको छ । अर्थमन्त्रीका रूपमा पुन आएलगत्तै भन्सार विभागले पर्याप्त अनुसन्धानविनै फा...
महिला, बालबालिका तथा ज्येष्ठ नागरिकमन्त्री भगवती चौधरीले ढुक्क भएर लगानी गर्न आग्रह गरेकी छिन् । आजदेखि शुरू भएको लगानी सम्मेलन २०२४ का अवसरमा सञ्चारकर्मीसँग कुराकानी गर्दै उनले यस्तो बताएकी हुन् । ...
प्रत्येक वर्ष वैशाख शुक्ल पूर्णिमा दिन मनाइँने बुद्धजयन्ती एवं लुम्बिनी दिवसको तयारी शुरू भएको छ । संस्कृति, पर्यटन तथा नागरिक उडड्यन मन्त्रालयअन्तर्गत रहेको लुम्बिनी विकास कोषले बुद्धजयन्ती एवं लुम्बिनी दिवसका रुपमा...
नेपालको निजामती सेवा (समग्र प्रशासन) कम व्यावसायिक भएको आरोप लाग्दै आएको छ । कर्मचारीहरूमा बुझाइको स्तर सतही देखिन थालेको छ । सकारात्मक सोच पनि खस्किएको छ । प्रस्तुतिमा आत्मविश्वास होइन, हीनभावना देखिन थालेको ...
निरन्तर १८ वर्ष लामो कन्जरभेटिभ पार्टीको सरकारलाई विस्थापित गर्दै लेबर पार्टीका नेता टोनी ब्लेयर सन् १९९७ को मे २ मा बेलायतको प्रधानमन्त्री बन्न सफल भएका थिए । लेबर पार्टीका नेता जोन स्मिथको निधनपश्चात पार्टीको ...
जनता समाजवादी पार्टीमा आएको विभाजन पहिलो पनि होइन र अन्तिम पनि होइन । राजनीतिक दलमा आएको विभाजनको लामो शृङ्खला हेर्ने हो भने पनि यो न पहिलो हो, न अन्तिम । दुःखद् कुरा के भने राजनीतिक दल विभाजनको नयाँ कोर्...