कात्तिक २४, २०८०
सवारीसाधन सुविधा प्राप्त गर्ने कर्मचारीलाई इन्धनबापत नगद उपलब्ध गराउन सरकारले निर्देशिका जारी गरेको छ । सुशासन (व्यवस्थापन तथा सञ्चालन) ऐन, २०६४ को दफा ४५ ले दिएको अधिकार प्रयोग ...
सर्वसाधारणले दैनिक प्रयोग गर्ने दुग्ध पदार्थमा व्यापक खेलबाड भएको पाइएको छ । दुग्ध पदार्थ प्रशोधन र सरसफाइमा पर्याप्त ध्यान नदिँदा दहीमा कोलिफर्म र दूधमा हुनुपर्ने गुणस्तर कम देखिएको हो ।
खाद्य प्रविधि तथा गुण नियन्त्रण विभागले ५/६ महिनाअघि विभिन्न डेरीबाट संकलन गरेको दूध र दहीको नमुना परीक्षण गर्दा यस्तो भेटिएको हो । दुग्ध पदार्थमा कोलिफर्म भेटिएको र गुणस्तर पनि भनेअनुसार नपाइएपछि उद्योगीसँग बयान लिन र मुद्दा चलाउन गत असार १५ मा निरीक्षक अधिकृतसमेत तोकिएको छ ।
परीक्षणका क्रममा निजी डेरीसँगै सरकारी दुग्ध विकास संस्थान (डीडीसी) को उत्पादनमा पनि कैफियत भेटिएको विभागको प्रतिवेदनमा उल्लेख छ । विभाग स्रोतका अनुसार डीडीसीको बालाजु प्लान्टबाट दहीको नमुना संकलन गरिएको थियो । नमुना परीक्षण गर्दा दहीमा कोलिफर्म भेटिएको हो ।
कोलिफर्म शून्य नै हुनुपर्छ । तर प्रायः नमुनामा कैफियत देखिएको विभागका एक अधिकारीले बताए । बालाजु प्लान्टबाट दूधको पनि नमुना संकलन गरिएको थियो । दूधमा पनि कम फ्याट देखिएको ती अधिकारीले जनाए । ‘दूधमा फ्याटको मात्रा ३ हुनुपर्नेमा २.९ मात्रै देखियो । संकलित नमुनाको ठोस पदार्थ ८ हुनुपर्नेमा ७.७ मात्रै छ,’ उनले भने । विभागले डीडीसीकै फुल क्रिम मिल्क (हरियो प्याकेट) दूधको पनि नमुना लिएको थियो । त्यसमा पनि फ्याटको मात्रा कम देखिएको छ । ‘हरियो प्याकेटको दूधको फ्याटको मात्रा ५ प्रतिशत हुनुपर्नेमा ४.७ प्रतिशत मात्रै भेटियो,’ ती अधिकारीले भने ।
डीडीसीकै लैनचौर कार्यालयबाट पनि दहीको नमुना संकलन गरिएको थियो । उक्त नमुनामा पनि कोलिफर्म देखिएको विभागको प्रतिवेदनमा उल्लेख छ । ‘दहीमा कोलिफर्म शून्य हुनुपर्नेमा प्रतिग्राम दहीमा १३ हजार सीएफयूसम्म भेटियो,’ विभागका ती अधिकारीले भने ।
कच्चा पदार्थ र प्रशोधनपछि पनि त्यस्तो समस्या हुन सक्ने डीडीसीका सूचना अधिकारी राजेन्द्रप्रसाद अधिकारीले स्विकारे । ‘त्यसका विभिन्न स्रोत छन् । हावाबाट पनि हुन सक्छ । ठाउँ, परिस्थिति र उपकरणहरूका कारण पनि समस्या हुन सक्छ,’ उनले भने, ‘दूधको नमुना लिँदा पनि फरक पर्न सक्छ ।’ ती कागजात अख्तियार दुरुपयोग अनुसन्धान आयोगमा समेत पठाइएको स्रोतको दाबी छ । विभागले सीताराम गोकुल मिल्कबाट पनि दूधको नमुना संकलन गरेको थियो । उक्त उद्योगले उत्पादन गरेको दूधमा पनि ठोस पदार्थ कम भेटिएको थियो । ‘ठोस पदार्थ ८ हुनुपर्नेमा ७.८ मात्रै भेटियो,’ विभागका अधिकारीले भने ।
सीताराम गोकुल मिल्कका सञ्चालक सुमित केडिया हुन् । उनी डेरी एसोसिएसनका निवर्तमान अध्यक्ष हुन् । विभागले नेपाल डेरीबाट पनि दहीको नमुना संकलन गरेको थियो । उक्त नमुनामा पनि कोलिफर्म देखिएको विभागले जनाएको छ । नेपाल डेरीका सञ्चालक अरनिको राजभण्डारी हुन् । उनी डेरी उद्योग संघका निवर्तमान अध्यक्ष हुन् । पाटनमा रहेको राजधानी डेरीको दहीको नमुना परीक्षण गर्दा पनि कोलिफर्म भेटिएको विभागको दाबी छ । ‘त्यहाँका नमुनामा प्रतिग्राम ३८ सय कोलिफर्म देखियो,’ विभागका ती अधिकारीले भने । राजधानी डेरीका सञ्चालक राजकुमार दाहाल हुन् । उनी डेरी उद्योग संघका अध्यक्ष हुन् ।
कोलिफर्म ई–कोलाई र नन ई–कोलाई गरी दुई प्रकारका हुने डेरी एसोसिएसनका महासचिव प्रह्लाद दाहालले बताए । अन्तर्राष्ट्रिय मान्यताअनुसार विदेशमा ५ देखि १० सम्मलाई खानयुक्त मानिएको उनको दाबी छ । यद्यपि नेपालको हकमा शून्य नै हुनुपर्ने उनको भनाइ छ । विभागका अनुसार बालाजुमा रहेको पुष्प डेरीबाट संकलित दहीमा पनि कोलिफर्म थियो । उक्त नमुनामा प्रतिग्राम ५१ सय सीएफयूसम्म भेटिएको विभागको दाबी छ । भद्रकाली डेरी फर्मबाट संकलित नमुनामा पनि कोलिफर्म, चपलीमा रहेको हाम्रो डेरी उद्योग (एचडी डेरी) बाट संकलित दहीको नमुनामा प्रतिग्राम ६८ हजार सीएफयूसम्म कोलिफर्म रहेका जनाएको छ ।
दुग्ध पदार्थमा कोलिफर्म भेटिनुमा मुख्य कारण सरसफाइकै अभाव रहेको विभागका निरीक्षक अधिकृत ईश्वर सुवेदी बताउँछन् । यसले झाडापखाला, पेट दुख्नेलगायत समस्या हुन्छ । ‘कैफियत भेटिएको छ,’ सुवेदीले भने, ‘बयानका लागि पत्र पठाइसकेका छौं । त्यसपछि मुद्दा चलाउँछौं ।’ विभागका प्रवक्ता मोहनकृष्ण महर्जनले पनि ढिलाचाँडो त्यस्ता कैफियत भेटिएका डेरीलाई कारबाही हुने बताए । कान्तिपुर दैनिकमा राजु चौधरीले खबर लेखेका छन् ।
सवारीसाधन सुविधा प्राप्त गर्ने कर्मचारीलाई इन्धनबापत नगद उपलब्ध गराउन सरकारले निर्देशिका जारी गरेको छ । सुशासन (व्यवस्थापन तथा सञ्चालन) ऐन, २०६४ को दफा ४५ ले दिएको अधिकार प्रयोग ...
बुटवल, १५ फागुन- भैरहवास्थित गौतम बुद्ध अन्तर्राष्ट्रिय विमानस्थलमा ३५ जना चिनियाँसहित २ सय मजदुर काम गरिरहेका छन् । केही निर्माण उपकरण र मेसिनरी यन्त्र थपिएका छन् । द्रुतगतिमा कच्चा पदार्थ संकलन भएको छ । च...
सहरी विकास मन्त्रालयले निर्माणाधीन धरहराको बेसमेन्टमा सवारीसाधन पार्किङ मानवीय स्वास्थ्यका दृष्टिले जोखिमपूर्ण हुन सक्ने भन्दै सचेत गराएको छ । मन्त्रालयले त्यहाँ आवश्यक प्राविधिक तयारी ...
जापानी बिदेशमन्त्री कामिकाबा योको झन्डै आठ घण्टाको नेपाल भ्रमण गरी स्वदेश फर्किएकी छन् । विमान चार्टर गरी नेपाल आएको मन्त्री योकोले स्वदेश फिर्दा भने नेपालको राष्ट्रिय ध्वजाबाहक नेपाल वायुसेवा निगमको नियमित उडान प्...
चालुु आर्थिक वर्ष २०८०/८१ मा नेपाली श्रमिकका लागि मलेसियाको रोजगारी घटेको छ । गत आव २०७९/८० मा पहिलो श्रम गन्तव्य देश बनेको मलेसिया चालुु आवमा क्रमशः घटेर तेस्रो र चौथो ...
विशेष आर्थिक क्षेत्र (सेज)भित्र मदिरा, सुर्तीजन्य र विस्फोटक पदार्थ उत्पादन गर्ने उद्योग स्थापना गर्न नपाइने भएको छ। विश...
नेपालको निजामती सेवा (समग्र प्रशासन) कम व्यावसायिक भएको आरोप लाग्दै आएको छ । कर्मचारीहरूमा बुझाइको स्तर सतही देखिन थालेको छ । सकारात्मक सोच पनि खस्किएको छ । प्रस्तुतिमा आत्मविश्वास होइन, हीनभावना देखिन थालेको ...
निरन्तर १८ वर्ष लामो कन्जरभेटिभ पार्टीको सरकारलाई विस्थापित गर्दै लेबर पार्टीका नेता टोनी ब्लेयर सन् १९९७ को मे २ मा बेलायतको प्रधानमन्त्री बन्न सफल भएका थिए । लेबर पार्टीका नेता जोन स्मिथको निधनपश्चात पार्टीको ...
जनता समाजवादी पार्टीमा आएको विभाजन पहिलो पनि होइन र अन्तिम पनि होइन । राजनीतिक दलमा आएको विभाजनको लामो शृङ्खला हेर्ने हो भने पनि यो न पहिलो हो, न अन्तिम । दुःखद् कुरा के भने राजनीतिक दल विभाजनको नयाँ कोर्...