कात्तिक २३, २०७८
विशेष आर्थिक क्षेत्र (सेज)भित्र मदिरा, सुर्तीजन्य र विस्फोटक पदार्थ उत्पादन गर्ने उद्योग स्थापना गर्न नपाइने भएको छ। विश...
पद र पद्धतिको लडाइँमा पार्टी नेतृत्व अल्झिरहेका बेला नेकपाका ६३ सांसदले पार्टी विभाजनका लागि हुने कुनै गतिविधिमा आफूहरू संलग्न नहुने स्पष्ट पारेका छन् । शीर्ष नेतृत्व तहमा देखापरेको गम्भीर अन्तरविरोधले दुई ठूला कम्युनिस्ट पार्टीको एकता प्रक्रिया पूरा नहुँदै विग्रहतिर जाने सम्भावना बढेको भन्दै उनीहरूले पार्टीलाई एकताबद्ध बनाउन प्रतिबद्ध रहेको बताए ।
नेकपा संसदीय दलको कार्यालय सिंहदरबारमा सोमबार पत्रकार सम्मेलन गरेर ओली, दाहाल र नेपाल समूहका ६३ सांसदले एकताविरोधी क्रियाकलाप रोक्न प्रतिबद्ध रहेको जनाएका हुन् । ‘पार्टीको नीति, कार्यक्रम, सिद्धान्त, संगठनात्मक संरचनासम्बन्धी बहसभन्दा अन्य विषयमा केन्द्रित भई शीर्ष नेतृत्व तहमा देखापरेको अन्तरविरोध कुनै पनि अर्थमा ग्राह्य र उपयुक्त नभएकाले हामी कार्यकर्ताको तहबाट साथ र सहयोग हुन सक्दैन,’ सांसदहरूको संयुक्त विज्ञप्तिमा छ, ‘पार्टीभित्र देखिएको संकट समाधानका लागि नेतृत्व तहलाई दबाब दिन र पार्टी एकतालाई सुदृढ बनाउन जनताले निर्वाचन गरी पठाएका देशको सर्वोच्च प्रतिनिधि संस्थाको सदस्य भएको नाताले हामी कतै विभक्त नभई एकताको पक्षमा उभिएका छौं ।’
सांसदहरूले एकता महाधिवेशनसम्म पार्टीको विधान र एकताको भावना समेटिने र राजनीतिक स्थायित्व सुदृढ हुने गरी भूमिका खेल्ने, विचार र सिद्धान्तले निर्देशित गरेको पद्धतिमा विधि–प्रक्रियाद्वारा वस्तुगत समाधान खोज्ने र पार्टीका कुनै पनि फोरम र सञ्चारमाध्यमबाट अभिव्यक्ति नदिने प्रतिबद्धता व्यक्त गरेका छन् । पत्रकार सम्मेलनमा नेकपा सांसद कृष्णप्रसाद दाहालले गुटको बहुमतका लागि आफूहरूको टाउको नगन्न शीर्ष नेतालाई आग्रह गरे ।
‘हामी सांसदहरूको टाउको गनेर पार्टी विभाजनको सपना देखेको भए त्यो गल्ती नगर्नुस्,’ उनले भने । उनले आफूहरूका कारण पार्टी फुट्छ भन्दै हिँड्नेलाई बल नपुगोस् भनेर पनि कसैको पक्षमा नलाग्ने निर्णय गरेको बताए ।
विशाल भट्टराईले एकताका लागि पार्टी कार्यालय र नेताहरूका घरमा धर्ना दिन पनि आफूहरू तयार रहेको बताए । उनले अहिले नेताहरूका बीचमा पदको लडाइँ भइरहेको भन्दै त्यसलाई त्याग्न आग्रह गरे ।
रामकुमारी झाँक्रीले नेकपा नेतृत्वमा विचारधारा स्खलित र व्यक्तिवादी सोच हावी भएको बताइन् । ‘विचारका हिसाबले अहिले नेकपा राइट हो कि लेफ्ट थाहा पाउन सकिने अवस्था छैन,’ उनले भनिन्, ‘यस्तै अवस्थामा नेताहरूले जनतालाई सदृढ पार्टी बुझाउँछन् या खरानी मात्रै बुझाउँछन् संशय छ ।’
यज्ञराज सुनुवारले नेकपा विभाजन भए व्यवस्था नै संकटमा पर्ने बताए । ‘अहिले नेकपामा दुईथरी कार्यकर्ता छन्, एकथरी जनताको घरदैलोमा जान्छन्, अर्कोथरी नेताका जन्मदिनमा केक बोकेर नेताका घरमा जान्छन्, केक बोकेर कुद्नेबाहेकका कार्यकर्ता पार्टी एकताको पक्षमा छन्,’ उनले भने । जीवनराम श्रेष्ठले विधिमा बसेर विवाद समाधान हुने भएकाले पार्टी बैठक डाक्न आग्रह गरे ।
सांसद अञ्जना विशंखेले पार्टी एकता भइनसक्दै विभाजनको संघारमा पुगेको भन्दै पार्टी फुटका लागि गरिने कुनै पनि अभियानमा आफूहरूको साथ नरहने बताइन् ।
विशेष आर्थिक क्षेत्र (सेज)भित्र मदिरा, सुर्तीजन्य र विस्फोटक पदार्थ उत्पादन गर्ने उद्योग स्थापना गर्न नपाइने भएको छ। विश...
सवारीसाधन सुविधा प्राप्त गर्ने कर्मचारीलाई इन्धनबापत नगद उपलब्ध गराउन सरकारले निर्देशिका जारी गरेको छ । सुशासन (व्यवस्थापन तथा सञ्चालन) ऐन, २०६४ को दफा ४५ ले दिएको अधिकार प्रयोग ...
चालुु आर्थिक वर्ष २०८०/८१ मा नेपाली श्रमिकका लागि मलेसियाको रोजगारी घटेको छ । गत आव २०७९/८० मा पहिलो श्रम गन्तव्य देश बनेको मलेसिया चालुु आवमा क्रमशः घटेर तेस्रो र चौथो ...
कास्की प्रहरीले राष्ट्रिय स्वतन्त्र पार्टी (रास्वपा) सभापति रवि लामिछानेसहित थप १८ जनाविरुद्ध अनुसन्धान सुरु गरेको छ । पोखराको सूर्यदर्शन बचत तथा ऋण सहकारी ठगी प्रकरणमा ...
अस्पतालले मृत घोषणा गरी १५ घण्टासम्म शवगृहमा राखेर अन्तिम दाहसंस्कारका लागि घाट लैजान लागेका एक व्यक्ति जिवितै रहेको पाइएको छ। विराटनगरस्थित मेट्रो न्युरो अस्पतालले मृत्यु प्रमाणपत्रसमेत बनाएर १५ घण्टासम्म शवगृहमा...
त्रिभुवन अन्तर्राष्ट्रिय विमानस्थलका प्रहरी प्रमुख प्रहरी नायब महानिरीक्षक (डिआइजी) अर्जुन चन्दले राजीनामा दिएको चर्चा झन्डै एक साता चल्यो तर प्रहरी प्रधान कार्यालयले चन्दको राजीनामा नभई सोमबार १० दिनको बिदा स्वीकृत ग...
ललितपुरको गोदावरीस्थित सनराइज हलमा नेकपा (एमाले)का दुई महत्वपूर्ण कार्यक्रम भए । एमालेको प्रथम विधान महाधिवेशन (२०७८ असोज १५ र १६ गते) सनराइज हलमै भएको थियो । विधान महाधिवेशनले विभाजनदेखि चौतर्फी घेराबन्दी...
हामी १५औं अन्त्य गरेर १६औं योजनाको तयारीमा जाँदै छौं । दलका शीर्ष नेताबीच १६औं योजनाको विषयमा छलफल भएको छ । १५औं योजनाको असफलता र नमिलेका कुरालाई १६औं मा सुधार्छौं । हाम्रो गन्तव्य कहाँ हो भन्ने संविधानले ...
सच्चा लोकतन्त्रमा सिमान्तमा रहेको नागरिकले पनि यो देश मेरो हो भन्ने अनुभूति गर्न सक्नेछ- माहात्मा गान्धी । माथि गान्धीको भनाइ किन उद्धृत गरिएको हो भने नयाँ वर्षको आगमन भैसकेको छ र २०८० को बिदाइ बडो हर्षपूर्वक...