रुसका एक भारोत्तोलकले ४०० किलोको तौल उठाउने प्रयास गर्दा आफ्ना दुवै गोडा भाँचेका छन् । 
 

अलेक्जेन्डर सेदीखले वर्ल्ड र पावरलिफ्टिङ फेडरेसन युरोपीयन च्याम्पियनशिप्समा भाग लिने क्रममा यो दुर्घटना बेहोरेका हुन् । 

साबिक विजेता सेदीख गह्रौं भार काँधमा बोक्नका लागि बारमुनि झुकेको देखिन्छ । उनी त्यति भारी वस्तु उचाल्दा काँपेको देखिन्छ । 

उनले भार उचाल्दै गर्दा केही समय त ठीकै देखिन्छ तर उनको घुँडाले थाम्न सक्दैन र सेदीख पीडाले चिच्याएको देखिन्छन् । 

चिकित्सकहरू भारोत्तोलकको सहायता गर्न दौडिएका थिए । उनलाई तत्कालै सर्जरीका लागि अस्पताल कुदाइएको थियो । शल्यक्रिया ६ घन्टा चल्यो । 

उनका दुवै गोडाका हाडमा फ्र्याक्चर भएका छन् । र उनको क्वाड्रीसेप मांसपेशीलाई पुनः जोड्नुपरेको थियो ।

उनले अब फेरि हिँड्न सिक्नुपर्ने भएको छ ।