कात्तिक २५, २०८०
बुटवलका कुलचन्द्र पाण्डे सफल पर्यटन व्यवसायी हुन् । कुनै समय भारतको एउटा कम्पनीमा काम गरेका पाण्डे अहिले रूपन्देहीमा ‘एसियन ब्राण्ड’ चम्काउने ‘टुरिजम’ उद्यमीका रूपमा चिनिन्छन् । तीन दशकअघि...
मंसिर १, २०७७
स्टाफ नर्स किरण चौधरीलाई तिहारमा आफ्ना भाइलाई टीका लगाउन छुटाएको अहिलेसम्म कुनै सम्झना छैन । तर, यसवर्ष भने उनले भाइलाई टीका लगाइदिन पाइनन् । उनी बुटवलस्थित कोरोना विशेष अस्पतालमा कोरोना संक्रमितको उपचारमा खटिएकी छिन् । बर्दियाकी किरण तिहारको दिन सोमवार बिहान ८ बजेदेखि नै ड्युटीमा खटिएकी छन् ।
उनी भन्छिन्, ‘जिम्मेवारी लिएपछि महामारीको बेला हामीले साथ छाड्न भएन । अहिलेको तिहार बिरामीको सेवा नै बित्दैछ । कुनै पनि तिहार घरपरिवारसँग मनाउन नपाए पनि दुःख मान्दिनँ । चाडपर्व मनाउने कुनै एउटा समय हुने रहेछ । जिम्मेवारीमा पुगेपछि पाइँदैन । कुनै एक जना बिरामीको जीवन बचाउन सक्नु नै मेरो दायित्व हो ।’
यही असोजदेखि कोरोना अस्पतालमा कार्यरत उनी कोभिड अस्पतालकी आईसीयू इञ्चार्ज समेत हुन् । २५ वर्षीया किरणले भनिन्, ‘चाडपर्वका बेला परिवारको याद त आउँदो रहेछ । तर, महामारी सधैँ रहँदैन । अस्पतालमै लक्ष्मीपूजा गरेका हौं । बिरामीको सेवा गरेर तिहार मनाउँछौं, यसमा कुनै गुनासो र दुःखेसो छैन ।’
किरणसँगै कोरोना अस्पतालमा सँगै कार्यरत अर्की नर्स रमा सापकोटा पनि बिहानैदेखि अस्पतालमा ड्युटीमा खटिएकी छिन् । तीन वर्षदेखि नर्सिङ सेवा कार्यरत रमाले पनि तिहारमा दाइभाइलाई टीका लगाइदिन पाइनन् ।
रमा खुशीसाथ भन्छिन्, ‘अहिले हामीले आफ्ना इच्छा, चाहना र चाडपर्व हेर्ने होइन, बिरामीको स्वास्थ्य हेर्ने हो ।’
उनले थपिन्, ‘हामीलाई त ड्युटी पर्यो । हामी त तिहारमा घर जाने र टीका लगाउने कुरा भएन । ड्यूउटी नपरेका अन्य स्वास्थ्यकर्मी घर जाँदा पनि डर छ । घरका बुढापाका बुवाआमा र बालबच्चालाई संक्रमण भए त्यसले ठूलो जोखिम निम्त्याउँछ, त्यसैले अहिलेको महामारीमा स्वास्थ्यकर्मी घर नजाँदा नै घर र समाजलाई सुरक्षित राख्न सकिन्छ । बिरामीले निको भएर घर फर्किँदा हामी स्वास्थ्यकर्मी मनैदेखि आनन्दित र युद्ध नै जितेसरह हुन्छौं ।’
पूर्णिम क्षेत्री पनि बिहानैदेखि लुम्बिनी प्रादेशिक अस्पताल बुटवलको फिवर क्लिनिकमा सेवामा छिन् । जहाँ कोरोनाका शंकास्पद बिरामीलाई राखेर उनीहरूको स्वाब संकलन गर्नुका साथै प्राथामिक पनि गर्नुपर्ने हुन्छ । पूर्णिमा भन्छिन्, ‘भाइटीका भन्दा पनि बढी जिम्मेवारीको काममा खटिरहेका छौं । मलाई मनपर्ने चाड दिपावली हो । घरलाई झिलिमिली बनाउने मेरो ठूलो रहर थियो । तर, अहिले महामारीले गर्दा घर जान सकिएन । दुःखी छैन । बिरामीको सेवामा घटिन्छु ।’
बुटवलको कोरोना विशेष अस्पतालमा १६ जना आईसीयूमा र ३ जना भेन्टिलेटरमा उपचाररत छन् । महामारी शुरू भएदेखि कोभिड अस्पतालमा कार्यरत सोफिया काफ्लेले पनि तिहारमा घर गइनन् । सोमवार उने रातिको ड्युटी छ । ‘महामारीमा हाम्रो काम सेवा गर्नु हो । निराश भए पनि उत्साहका साथ गर्ने हो,’ उनले भनिन् ।
त्यस्तै अर्की नर्स रिया थापालाई घर जान नपाएकोमा खिन्नता महशुस भएको छ । तर, पनि बिरामीको सेवामा कुनै कमी हुन दिएकी छैनन् । बिरामी हाम्रा भगवानसरह हुनुहुन्छ । उहाँहरूको सेवा गर्नुपर्ने अहिले हाम्रो दायित्व हो ।’
उनीहरूसँगै सुस्मिता चापागाईँ, सिर्जना ढकाल, शान्ति पाण्डे लगायत १ सयभन्दा बढी स्वास्थ्यकर्मी कोरोना अस्पतालमा खटिएका छन् । महामारीमा कुनै चाडपर्व र आफ्नो कुनै चाहना नराखी बिरामीको सेवामा खटिएका छन् । उनीहरूले लक्ष्मीपूजा पनि अस्पतालमै गरेका थिए ।
स्वास्थ्यकर्मीहरू महामारी शुरू भएयता घर गएका छैनन् । होटलमा बस्ने र अस्पताल जाने उनीहरूको विगत ७ महिनायताको दिनचर्या हो ।
उनीहरूलाई होटलमा बस्ने व्यवस्था अस्पतालले व्यवस्था गरेको छ । स्वास्थ्यकर्मीसँगै संक्रमितहरूले पनि यस वर्ष भाइटीका लगाउन पाएनन् ।
बुटवलस्थित कोरोना विशेष आइसोलेसन सेन्टरमा अहिले १० जना संक्रमित छन् । धेरै संक्रमितहरू घरमै रहेकाले पनि उनीहरूले टीका लगाउन पाउने छैनन् ।
बुटवलका कुलचन्द्र पाण्डे सफल पर्यटन व्यवसायी हुन् । कुनै समय भारतको एउटा कम्पनीमा काम गरेका पाण्डे अहिले रूपन्देहीमा ‘एसियन ब्राण्ड’ चम्काउने ‘टुरिजम’ उद्यमीका रूपमा चिनिन्छन् । तीन दशकअघि...
समय : आइतवार बिहान ७ बजे स्थान : नलगाड नगरपालिका, १ चिउरी, जाजरकोट (भूकम्पले सबैभन्दा धेरै क्षति पुर्याएको ठाउँ) ‘मेरी आमालाई किन यस्तो भयो ? मलाई पनि बाँच्न मन छैन,...
बुधवार काभ्रेको धुलिखेलस्थित काठमाडौं विश्वविद्यालयका १ हजार ८३८ जना विद्यार्थीमाझ सनम ढकाल दृश्यमा आए । एमबीबीएसमा सर्वोत्कृष्ट भएर गोल्ड मेडल ल्याउँदै सनम दीक्षित भएसँगै सबैमाझ परिचित भएका हुन् । काठम...
भगवान् गौतम बुद्धको जन्मस्थल लुम्बिनी विश्वकै लागि शान्तिक्षेत्र हो । यो क्षेत्र आउँदो महिना विशेष हुने भएको छ । विश्वकै प्रतिष्ठित र ठूलो पुरस्कार मानिने नोबेल पुरस्कार विजेताहरूको जमघट हुने भएपछि विशेष हुन लागेक...
प्रगतिशील राजनीतिको 'फ्रन्टलाइन'मा देखिने नेताहरू जति कठोर हुन्छन्, त्यो भन्दा बढी ‘इमोसनल र सेन्टिमेन्टल’ पनि हुन्छन् । त्यस्तै ‘इमोसनल फिलिङ्स’का बाबजुद परिस्थितिले कठोर बन्दै गएक...
पोखराका अशोक खड्काको पारिवारिक वातावरण सानैदेखि उद्यमशीलताको थियो । उनका बुवा सधैं एकै सुझाव दिइरहन्थे– नेपालमै केही गर्नुपर्छ । उनको बालमस्तिष्कमा त्यही छाप पर्यो । विदेश जाने सोच कहिल्यै बनाएनन् । नेप...
मानव स्वभाव प्रायः म र मेरो भन्ने हुन्छ । जस्तोसुकै आदर्शको कुरा गरे पनि, जतिसुकै महान देखिन खोजे पनि यी म र मेरोमा अलिकति धक्का लाग्नेबित्तिकै, ढेस पुग्नेबित्तिकै त्यस्ता आदर्श र महानता कुन सड्को ‘फू&rsquo...
२०६२ सालपछिको कुरा हो, अख्तियार दुरूपयोग अनुसन्धान आयोगका एकजना उपसचिव र एकजना शाखा अधिकृत कम्पनी रजिष्ट्रारको कार्यालयमा सरुवा भएर गए । यति मात्र होइन, राष्ट्रिय सतर्कता केन्द्रका एक उपसचिव पनि सोही कार्यालयमा...
धेरै पहिलेको कुरा हो एक जना सज्जनका दुई भाइ छोरा थिए । उनीहरूबीच निकै मिल्ती थियो । एकपटक भगवान्ले आएर वरदान माग भनेकाले उनीहरूले अमरताको वर मागेका थिए । उनीहरूको कुरा सुनेर भगवान्ले भने– ‘...