नेपाल राष्ट्र बैंकका गभर्नर महाप्रसाद अधिकारीले कोभिडको असर अझै पनि रहेको हुँदा राष्ट्र बैंकले भविष्यमा मौद्रिक उपकरण र नीतिहरु खुकुलो गर्ने घोषणा गरेका छन्।

गभर्नर अधिकारीले चालु आर्थिक वर्षको मौद्रिक नीतिको पहिलो त्रैमासिक समीक्षाको पत्रकार सम्मेलनको क्रममा सहज नीति ल्याउने बताएका हुन्।

कर्जाको ब्याजदर गत वर्षको तुलनामा व्यवसायीकहरुको मनोबल बढेको तर निक्षेपको ब्याजदर घट्दा त्यसले ल्याउने समस्या सावधानमा राष्ट्र बैंकले मौद्रिक नीति समीक्षामा गर्नेे उनले बताए ।

गभर्नर अधिकारीले मौद्रिक नीतिको पहिलो त्रैमासिक समीक्षामा ब्याजदरलाई निश्चित सीमामा राख्ने, विषेश गरी निक्षेपकर्ताहरुको ब्याजदर सीमाभन्दा तल नझरोस् भन्ने उदेश्य सहित मौद्रिक नीति समीक्षाको कार्यदिशा तय भएको बताए ।

‘तय भएका कार्यदिशामा अर्थतन्त्रको अहिलेको अवस्थालाई दृष्टिगत गरेर मौद्रिक विस्तारमा मुल्य र वाह्य क्षेत्रको स्थायित्वमा थप दवाब सिर्जना हुन नदिने तथा आन्तरिक उत्पालनलाई वृद्धि,उद्ययमशिलको विकासमा सहयोग गर्ने, रोजगारी बढाउने बैंक वित्त संस्थामा रहेको स्रोतको उपलबद्धतालाई सहजिकरण गर्न मौद्रिक नीतिले तय गरेको विषयलाई निरन्तरता र आर्थिक वृद्धिमा सहयोग गर्ने नै पहिलो त्रैमासको मूल्यांकनमा समीक्षा भएको छ ।’

वित्तीय सहजिकरणका लागि राष्ट्र बैंकले हालसम्म अपनाएका नियामकिय उपयहरु अपनाएको र वित्तीय स्थायित्वमा जोखिम आउन नदिन थप सजक, सर्तक र राष्ट्र बैंकको सुपरिवेक्षण र नियामकिय भूमिकालाई थप सशक्त बनाउने उनले बताए ।

 हालसम्म निःशुल्क रहेको अन्तर बैंक एटीएमकारोबारमा अब शुल्क तोकिने भएको छ । नेपाल राष्ट्र बैंकले चालु आर्थिक वर्षको मौद्रिक नीतिको पहिलो त्रैमासिक समीक्षा गर्दै उक्त व्यवस्था गरेको हो ।

राष्ट्र बैंकका प्रवक्ता गुणाकर भट्टले समीक्षा सार्वजनिक गदै बैंक तथा वित्तीय संस्था, भुक्तानी सेवा प्रदायक र भुक्तानी प्रणाली संचालकहरुले विद्युतिय भुक्तानी विद्युतीय भुक्तानी सेवा प्रदान गरेवापत ग्राहकहरुबाट लिने सेवा शुल्क सम्बन्धी व्यवस्थामा पुनरावलोकन गरिने बताए ।

हाल नीतिगत व्यवस्था गरेको र शुल्क निर्धारण भने सम्बन्धित विभागले कार्यविधि बनाएर लागू गर्ने उनले बताए ।

यसैगरी, राष्ट्र बैंकले सेयर धितो कर्जामा समेत पुनर विचार गर्ने भएको छ । व्यक्तिगत अधिविकर्ष कर्जा, शेयरधितो कर्जा तथा रियलस्टेट कर्जा सम्बन्धी विद्यमान व्यवस्थामा पुनरावलोकन गरिने जारी मौद्रिक नीतिको समक्षिामा उल्लेख गरिएको छ ।

यस्तै बैंक तथा वित्तीय संस्थाबाट विदेशी मुद्रामा ऋण स्वदेशी मुद्रामा तिर्न सकिने व्यवस्था राष्ट्र बैंकले गरेको छ ।

कोभिड १९ को कारण प्रभावित हुन गई विदेशी मुद्रामा साँवा तथा ब्याज भुक्तानीमा पर्न गएको असहज परिस्थितिलाई सहज बनाउदै केन्द्रि बैंकले मौद्रिक नीतिको त्रैमासिक समिक्षा ऋणको किस्ता नेपाली मुद्रामा समेत भुक्तानी गर्न सकिने व्यवस्था मिलाएको छ ।